Logo
१४ मंसिर २०७९, बुधबार
     Wed Nov 30 2022
E-paper
  English Edition
   Unicode
Logo

कमरेडहरूको सम्मेलन !



भर्खरै भर्खरै
सुरु भएको छ कमरेडहरूको सम्मेलन !

सम्मेलनमा
किसान कमरेडहरू छैनन्
मजदूर कमरेडहरू छैनन्
छन त ती कमरेडहरू पनि छन
तर ती कामदारको भूमिकामा छन !

सम्मेलनमा
दलित कमरेडहरू छैनन
महिला कमरेडहरू छैनन
मधेशी कमरेडहरू छैनन
जनजाती कमरेडहरू पनि छैनन
छन त ती कमरेडहरू पनि छन
तर ती दर्शकको भूमिकामा छन !

सम्मेलनको आयोजक समितिमा
नोकरशाह कमरेडहरू छन
सम्मेलनका प्रतिनिधिहरू
ठेकेदार कमरेडहरू र
जग्गा दलाल कमरेडहरू छन
पर्यवेक्षकको भूमिकामा
भ्रष्टचारी कमरेडहरू छन
उद्योगपति कमरेडहरू छन
आइ एन जिओ प्रमुख
कलेज तथा अस्पतालका
मालिक कमरेडहरू छन
सूरक्षा व्यवस्थामा
प्राय डन कमरेडहरू छन
छन त अरु कमरेडहरू पनि छन
तर ती कठैवरा कमरेडहरू छन !

सम्मेलन कक्षमा
राखिएको छ पुरानो झण्डा
झण्डाले कमरेडहरूलाई चिनेको छैन
कमरेडहरूले झण्डा चिनेका छैनन
एउटा विकृत मुडमा शान्त छ झण्डा
कमरेडहरूको दिलमा
अम्वानीले पठाएको झण्डा छ
फर्फर फर्फर फहराएको
खास षडयन्त्रको लागि छ पुरानो झण्डा
सम्मेलन सुरु हुदै छ !

दौरा सुरुवाल र ढाका टोपीमा
ठ्याक्कै पञ्चहरूकै ढाँचामा
मञ्चमा लहरै बसेका छन
बाहुन क्षेत्री अनुहारका कमरेडहरू
छन त अरु कमरेडहरू पनि छन
तर ती निरिह , निमुखा र निर्जीव छन !

सम्मेलनले
नोकरशाह कमरेडहरू प्रस्तावमा
ठेकेदार कमरेड
भ्रष्टचारी कमरेड
कमिशनखोर कमरेड
जग्गा दलाल कमरेडहरू
र डन कमरेडहरूको समर्थनमा
समाजवादी कार्यक्रम पास गर्यो भर्खरै !

त्यसपछि ,
सवैभन्दा समाजवादी बने
ठग, भ्रष्ट र कमिशनखोरहरू
किसान र मजदूर शङ्काको सूचीमा परे
दलित र महिलाहरू परिक्षणमा राखिए
सम्मेलनको हलबाट
बेतोडले निस्क्यो समाजवादी घोडा
र मजदूरको छात्तीलाई सडक बनाएर
देश दौडाहामा निस्क्यो !

देश देशबाट
शुभकामनाको ओइरो छ
पहिलो शुभकामना छ मिस्टर ट्रम्पको
दोश्रो छ – मिस्टर मोदीको
तेश्रो छ- सिजिन पिनको
सम्मेलन जारी छ !
कमरेडहरू बहसमा व्यस्त छन !

बहसबाट निस्केको पीरो प्रदुषणले
देशमा कोलाहल छाएको छ
कमरेडहरूको सम्मेलन जारी छ !

२०७५|०७|६२६
ढल्को

 


यो खबर पढेर तपाईलाई कस्तो महसुस भयो ?

काठमाडौं । प्रतिनिधिसभा सदस्यको समानुपातिकतर्फको मतगणना अन्तिम चरणमा पुगेको छ । निर्वाचन आयोगका अनुसार

काठमाडौं । नेकपा (माओवादी केन्द्र)भित्र आम चुनावप्रति ठूलो त्रास देखियो । चुनाव उठेका उम्मेदवारको

काठमाडौं । काठमाडौंमा मोटरसाइकल दुर्घटनामा परी २ जनाको मृत्यु भएको छ । गोकर्णेश्वर नगरपालिका–४