२३ कात्तिक, काठमाडौँ । धितोपत्र बजारमा मंगलबार पनि नेप्से परिसूचक दोहोरो अङ्कले ओरालो लागेको छ ।
नेपाल स्टक एक्स्चेन्जका अनुसार नेप्से परिसूचक मंगलबार २४.६३ अङ्कले घटेर एक हजार ७२४ बिन्दुमा आइपुगेको छ ।
सबै समूहको सेयरमा कमी आएपछि नेप्से परिसूचक दोहोरो अङ्कले ओरालो लागेको हो । कुल १३८ कम्पनीको १० लाख ३८ हजार ५४७ कित्ता सेयर रु ७६ करोड ३७ लाख ९६ हजार ४४७ मूल्यमा बिक्री भएको हो ।
स्टकका अनुसार बैंकिङ १.६५, होटल १.९१, विकास बैंक ०.९९, जलविद्युत् २.०४, फाइनान्स ०.५५, बिमा १.४३, उत्पादन १.३६ र अन्य समूह ०.१५ प्रतिशतले घटेको हो ।
सोमबार बजार खुल्नेबित्तिकै ओरालो लागेको नेप्से परिसूचक मंगलबार पनि दोहोरो अङ्कले घटेको हो । रासस
-->
