back

आयोजना ६ महिनाभित्रमा सम्पन्न गरे सरकारले पुरस्कृत गर्छ : प्रधानमन्त्री दाहाल

वि.सं.२०७३ कात्तिक २३ मंगलवार

237 

shares
RBB AD
NTC AD

 

prachanda

२३ कात्तिक, दोलखा । प्रधानमन्त्री पुष्पकमल दाहालले माथिल्लो तामाकोसी जलविद्युत् आयोजनालाई आगामी ६ महिनाभित्र सम्पन्न गरे सरकारले कर्मचारीलाई पुरस्कृत गर्ने बताउनुभएको छ ।

आज आयोजनाको स्थलगत अनुगमन तथा निरीक्षण गरी कर्मचारीहरुसँगको कुराकानीमा उहाँले देशकै मोडेलका रुपमा रहेको यो आयोजनाको काम निश्चित अवधिभन्दा अगावै सकेर देशकै अन्य आयोजनालाई समेत उदाहरण दिई छिटो निर्माण कार्य सम्पन्न गर्न निर्देशन दिनुभयो । उहाँले आयोजनाले कुनै आर्थिक समस्या व्यहोर्नु नपर्ने बताउँदै आयोजनालाई सरकारले छिटो सम्पन्न गर्न जस्तोसुकै सहयोग गर्ने पनि बताउनुभयो । प्रधानमन्त्री दाहालले आयोजना पारदर्शी तरिकाले सम्पन्न गर्न र रोल्वालिङ डाइभर्सन तथा तामाकोसी ५ को समेत काम दु्रत गतिमा अगाडि बढाउन निर्देशन दिनुभयो ।

उहाँले भूकम्पले भत्काएको सडकलगायत संरचनाको पुनः निर्माण गरी आयोजनाको कामलाई तीव्रता दिन आग्रह गर्नुभयो । राष्ट्रिय गौरवको स्वदेशी पुँजीमा दोलखाको लामाबगर गाविसमा निर्माणाधीन चार सय ५६ मेगावाट क्षमताको माथिल्लो तामाकोसी जलविद्युत् आयोजनाको निर्माण कार्य ८२ प्रतिशत सम्पन्न भएको आयोजनाका प्रवक्ता डाक्टर गणेश न्यौपानेले बताउनुभयो । विसं २०६८ बाट निर्माण सुरु भएको आयोजना २०७४ साल असारसम्म निर्माण सम्पन्न हुनुपर्नेमा २०७२ सालको भूकम्प, निरन्तरको पराकम्प र नाकाबन्दीले प्रतिकूल असर गरेकोले कार्य प्रगति प्रतिवेदनअनुसार ८१।९० प्रतिशत निर्माण कार्य सम्पन्न भएको हो ।

विभिन्न चार लट गरी निर्माण सुरु गरेको आयोजनाको ८२ प्रतिशत लक्ष्य हासिल गर्दा कुल रु ३१ अर्ब ८४ करोड खर्च भएको माथिल्लो तामाकोसी जलविद्युत् आयोजनाका वातावरण विभाग प्रमुख एवम् प्रवक्ता डा गणेश न्यौपानेले जानकारी दिनुभयो । आयोजना निर्माणका लागि रु ३५ अर्ब २९ करोड बजेट विनियोजन गरिएको भए पनि विभिन्न कारणले लागत बढेर रु ४१ अर्ब ७२ करोड पुग्ने अनुमान गरिएको छ ।

लट–एकको ठेकेदारले भूकम्पले क्षतिग्रस्त भएको प्रवेशमार्गअन्तर्गत काभ्रे भिरमा तीन सय ३० मिटर लम्बाइ हुने सुरुङमार्गको गत असारदेखि सुरु गरी सोमबारसम्म दुई सय ७२ मिटर खन्ने कार्य सम्पन्न गरेको छ । सुरुङमार्गको निर्माण सम्पन्न भएपछि बाँधस्थलको विभिन्न थप कार्य गर्न सकिने आयोजनाले जनाएको छ । रासस

वि.सं.२०७३ कात्तिक २३ मंगलवार १२:११ मा प्रकाशित

NLIC AD
NABIL bank AD
मुख्यसचिव डा अर्यालसहित ११ कर्मचारीविरुद्ध भ्रष्टाचार मुद्दा दायर

मुख्यसचिव डा अर्यालसहित ११ कर्मचारीविरुद्ध भ्रष्टाचार मुद्दा दायर

काठमाडौँ । अन्तःशुल्क स्टीकर छपाइ खरिद प्रकरणमा भ्रष्टाचार गरेको अभियोगमा...

राष्ट्रिय सुरक्षालाई मजबुत बनाउन आवश्यक : मन्त्री उप्रेती

राष्ट्रिय सुरक्षालाई मजबुत बनाउन आवश्यक : मन्त्री उप्रेती

काठमाडौँ । रक्षामन्त्री हरिप्रसाद उप्रेतीले मुलुकको राष्ट्रिय सुरक्षालाई मजबुत बनाउन...

राष्ट्रिय परिचयपत्र अनिवार्य गर्न नहुनेमा सांसदहरुको जोड

राष्ट्रिय परिचयपत्र अनिवार्य गर्न नहुनेमा सांसदहरुको जोड

काठमाडौँ । राष्ट्रियसभाको आजको बैठकमा सांसदहरुले वृद्धभत्ताका लागि राष्ट्रिय परिचयपत्र...

प्रतिनिधिसभा बैठक : विपद् व्यवस्थापनको पूर्वतयारी गर्न सांसदहरुको माग, कस्ले के भने ?

प्रतिनिधिसभा बैठक : विपद् व्यवस्थापनको पूर्वतयारी गर्न सांसदहरुको माग, कस्ले के भने ?

काठमाडौँ । प्रतिनिधिसभाका सदस्यहरुले विपद् व्यवस्थापनको पूर्वतयारी गर्न सरकारसँग माग...

महामन्त्री शर्माको प्रश्न –गृहमन्त्रीज्यू, लोकेशन पत्ता लागिसकेका जिबी राई किन पक्राउ परेनन् ?

महामन्त्री शर्माको प्रश्न –गृहमन्त्रीज्यू, लोकेशन पत्ता लागिसकेका जिबी राई किन पक्राउ परेनन् ?

काठमाडौं । नेपाली कांग्रेसका महामन्त्री विश्वप्रकाश शर्माले मलेसियामा रहेको भनिएका...

कर्मचारीको माग सम्बोधन गर्न मन्त्री गिरीको संयोजकत्वमा तीन सदस्यीय समिति गठन

कर्मचारीको माग सम्बोधन गर्न मन्त्री गिरीको संयोजकत्वमा तीन सदस्यीय समिति गठन

काठमाडौँ । सङ्घीय संसद् सचिवालयका कर्मचारीका माग सम्बोधन गर्न कानुन,...