Sansar News
२८ चैत, काठमाडौ । सहकारीको ऋण नतिर्ने व्यक्ति अब कालोसूचीमा पर्ने भएका छन् । सहकारीको ऋण नउठ्दा सहकारी सन्चालनमा समस्या आएपछि सरकारले ऋण नतिर्ने सदस्यलाई कालोसूचीमा राख्ने व्यवस्था गरेको हो ।
सहकारी नियामावली २०७५ अनुसार सहकारीको ऋण अपचलन गर्ने, तोकिएको समयभित्र ऋणको व्याज र सावा नतिर्ने सदस्यलाई कालो सूचीमा राख्ने व्यवस्था गरिएको छ । एक व्यक्तिले धेरै सहकारीबाट ऋण लिने कर नतिर्ने प्रवृत्ति बढ्दै गएको छ ।
यस्तो प्रवृत्ति निरुत्साहित गर्न कालोसूचीको व्यवस्था गरिएको भूमि व्यवस्था, सहकारी तथा गरिबी निवारण मन्त्रालयले जनाएको छ । ऋण नतिर्ने सदस्यको धितो लिलाम बिक्री गरी असुल गर्न सकिने व्यवस्था गरिएको छ । बिहीबारको अन्नपुर्ण पोस्टमा तुलसी सुवेदीले लेखेका छन् ।
वि.सं.२०७५ चैत २८ बिहीवार ०७:३८ मा प्रकाशित
