back

प्रदीप नेपाल भन्छन्–’अब युवाले मात्रै देश बचाउन सक्छन्’

वि.सं.२०७५ चैत २८ बिहीवार

105 

shares

२८ चैत, काठमाडौं । नेपाली कम्युनिष्ट आन्दोलनका शिर्ष नेतृत्व प्रदिप नेपालले दुइ तिहाइको समाजबादी रथ हांक्न युवाहरुलाइ बाटो छोडिदिनुपर्ने बताएका छन ।

कस्ता युवा र को को भनेर नाम उल्लेख नगरेपनि बेथितीका चक्रहरु तोडेर जनताको सपना साकार पार्न युवाहरु सक्रिय हुनुपर्ने बताएका छन । सामाजिक सुरक्षा कार्यक्रम बनाउन तथा जनबिरोधिहरुको भ्रम चिर्न युवाहरु सक्षम हुने आशा ब्यक्त गरेका छन । बिहिबार प्रकाशित गोरखापत्रको बिचार स्तंभमा उनले जोड दिदै भनेका छन ‘देश युवाको जिम्मामा गइसक्यो । यसको उद्घोष हो – सङ्घीय लोकतान्त्रिक गणतन्त्र नेपाल । यसलाई बचाउने र अगाडि बढाउने जिम्मा पनि समाजवादी आदर्श बोक्ने युवाकै हो ।’

विरोधीहरूबाट चौतर्फी आक्रमण भएको छ सरकारमाथि । आफ्नै पार्टीका केही लहडी नेताको विषवमन पनि सोहोर्नुपरेको छ यसले । यद्यपि यो नराम्रो कुरो होइन । यसले सरकारलाई बलियो बनाउँछ । किनभने सबैभन्दा ठूलो प्रतिपक्षसँग विरोधको कुनै हतियार छैन । विरोधको आधार सरकारको कार्यक्रम र त्यसको कार्यान्वयन हुनुपर्छ । आफ्नै पार्टीले ल्याउने निर्णय गरेको हेलिकप्टरमा वर्तमान राष्ट्रपतिलाई डाम्ने, आफ्नै पालाको मोटरमा पनि अहिलेको राष्ट्रपतिलाई डाम्ने खालको विरोधले नेपाली काँग्रेसलाई घाटा मात्र पु¥याएको छ । अहिले पनि तुइन जीवित छन भन्नु लुते विरोध हो । तर, यसले सरकारलाई सहयोग गरेको छ । बाँकी तुइन पनि विस्थापित गर्न सरकारलाई झक्झक्याएको छ ।

एक तिहाइको होस वा दुई तिहाइको होस, कम्युनिस्ट पार्टीले गर्ने सामाजिक सुरक्षाको काम हो । दुई तिहाइ त्रास होइन । कम्युनिस्ट पार्टीको अलल्पमतको सरकार हुँदा त्यसले राम्रै काम गरेको थियो तर त्यसलाई असंवैधानिक तरिकाबाट विस्थापित गरियो । अहिलेको दुई तिहाइको सरकारले त्यही अल्पमतको सरकारको कामलाई निरन्तरता दिएको छ । काँग्रेसले पहिले जसरी सजिलै यो सरकारलाई ढाल्न नसक्ने हुनाले यो दुई तिहाइको हल्ला बढी भएको हो ।

यो सरकारसँग असन्तुष्टि राख्ने दर्जनौँ राजनीतिक मुद्दा छन् । यसले आफ्नो पक्षको जनबललाई बलियो बनाउन सकेको छैन । सीआईएले बारम्बार ‘कु’ को प्रयत्न गर्दा पनि भेनेजुएलाको सरकार टिकेको छ र जनताकै बलमा टिकेको छ । बारम्बार पराजित हुँदा पनि सीआईएले आफ्नो काम रोकेको छैन । एक पल्ट जितिहालियो भनेर भेनेजुएलाको सरकार सुतेर बसेको देखिएन । अहिलेको आक्रमणमा हाम्रा नेताहरूले भेनेजुएलाको सरकारबाट सिक्न खोजेको देखिएन । भ्रममा नपर्नुस्, अमेरिका कहिल्यै नेकपा सरकारको पक्षमा हुँदैन ।

आन्तरिक सङ्कटमा परेको भए पनि, चीनसँग सम्बन्ध सुधार्न खोजेको देखिए पनि युरोपियन युनियन, विश्व बैङ्कजस्ता संस्थाहरू पनि नेपालमा कम्युनिस्ट पार्टीको सरकार बनेको र त्यसले राम्रो काम गरेको देख्न चाहँदैनन् । भारतको त कुरै नगरौँ– आफ्नोभन्दा प्रगतिशील संविधान बनायो भनेर त्यसले मधेसमारा नाकाबन्दी लगायो । दिल्लीको बुझाइमा चाकरी नगरे पनि काँग्रेस आफ्नो जातभाइ हो अनि जति चाकरी गरे पनि कम्युनिस्टहरू चीनका जातभाइ हुन ।

तर, राजनीतिमा सबैका निर्णायक जनता हुन । नेपालका लागि नेपाली जनता हुन । जनतासँग एकीकृत नभएकै हुनाले पश्चिम बङ्गालको माक्र्सवादी सरकार गल्र्यामगुर्लुम ढल्यो । त्रिपुराचाहिँ अपवाद हो । नेकपाका नेताहरूले यसबाट सिक्नुपर्छ । बङ्गालको पार्टीले जनताको मन जितेर काम गर्न सकेन र आफ्नो भत्किँदै गएको धरातलको यथार्थ पनि थाहा पाउन सकेन । हाम्रो नेपालमा पनि त्यस्तै हुने खतरा बढेको छ । निर्वाचनको सिटमा ठूलो अन्तर भए पनि नेपाली काँग्रेस, जनमतमा त्यस्तो ठूलो अन्तर छैन । नेपाली नागरिकको चेतनाका बारेमा नेकपाका नेताहरूले ध्यान पु¥याएनन् भने काँग्रेसका अशिक्षित मतहरू काँग्रेसमै रहिरहने छन् ।

अब जो आए पनि सङ्घीयता मास्न सक्दैन । यो सुरक्षित छ । नेताहरूको मस्तिष्कले कुन सत्यलाई स्वीकार्नुपर्छ भने जहाँ पनि, जहिले पनि पछिल्लो पुस्ता नै बलियो हुन्छ । त्यसैले सङ्घीय सांसद र केन्द्रीय सरकारले माथिको सम्पूर्ण अधिकार तल झार्नुपर्छ । आपूmलाई टिकाउन पनि केन्द्रले यो काम गर्नुपर्छ । नेपाल कम्युनिस्ट पार्टीले मात्रै जनतालाई अधिकारसम्पन्न बनाउँछ भन्ने सत्यबोध गराउन कम्युनिस्ट पार्टी र सरकारी नेताहरूले त्याग गर्ने समय भनेको अहिले नै हो । ‘सिंहदरबारको अधिकार घर घरमा’ भन्ने भाषण गरेर मात्रै पुग्दैन । त्यसलाई गाउँ र नगरपालिकामा पु¥याउनु पनि पर्छ । साँच्चै सिंहदरबारको अधिकार घर घरमा पु¥याउन सक्नुभयो भने दुई तिहाइको बहुमत भएको सिंहदरबारमा शत्रुले बम हाने पनि कम्युनिस्ट पार्टी मर्दैन ।

माथि बलियो भएर तल ठूलो होइँदैन । ०५२ साल भदौ १२ गतेको पैmसलालाई कम्युनिस्ट पार्टीका नेताहरूले कहिल्यै बिर्सनु हुँदैन तर बलियो आधार भयो भने माथिलाई कुनै असंवैधानिक प्रक्रिया अपनाइए पनि केही हुँदैन । त्यसैले कम्युनिस्ट पार्टीका नेता कार्यकर्ताले विगतको भूमिगतकालीन कार्यशैली अवलम्बन गर्नुपर्छ । जीवनलाई मृत्युुसँग साटेको त हामीले उहिल्यै हो नि १ अहिले त हामी धेरै अगाडि आइसकेका छौँ । त्यस बेलाको जस्तो कष्ट अहिले बेहोर्नु पनि पर्दैन । जिन्दगीलाई सालको पातमा राखेर हिँड्नु पनि पर्दैन । अहिले त सुविधामै गाउँगाउँमा प्रशिक्षण कक्षा चलाउन सकिन्छ । गाउँ र नगरपालिका सबैभन्दा शक्तिशाली सरकार हुन् । त्यसैले नेपाल कम्युनिस्ट पार्टीका कार्यकर्ताले सोही स्तरलाई बलियो र जनसेवी बनाउन प्रशिक्षण दिनुपर्छ ।

प्रदेश, नगर र गाउँ सरकारहरूले प्रशिक्षणको आयोजना गरून् । सङ्घीयताको वास्तविक ज्ञान बाँड्ने काम गरून् । सङ्घीयता भनेको नागरिक शासनको प्रत्याभूति हो । अहिले सिंहदरबार पिरामिडको टुप्पो भएको छ, त्यो टुप्पोको बलले पिरामिड टिक्दैन । पिरामिड जोगाउने भनेको त्यसको फराकिलो फेदले हो । त्यसैले नेताहरू भ्रष्ट र स्वार्थी भए भनेर नपिरिनुस् । तपाईंहरू नेताका लागि काम गरिरहनुभएको छैन । तपाईंहरू जनताका लागि काम गरिरहनुभएको छ । जनताले तपाईंहरूलाई हेरेर पार्टीको मूल्याङ्कन गरून् भन्ने भावना बोकेर काम गर्नुस् । प्रतिस्पर्धामा पहिलो हुनुहोस्– जननेता मदन भण्डारीको यो आह्वानलाई मस्तिष्कमा राखेर काम गर्नुस् ।

विश्वेश्वरप्रसाद कोइरालाको राजनीतिक विचार बुझ्ने कति काँग्रेस नेता छन्, म जान्दिनँ । तर, कार्यकर्ता, अझ पुराना र दुःखी कार्यकर्ताचाहिँ धेरै छन् । ती धेरैलाई पनि मेरो अनुरोध हो – बीपी कोइरालाको लक्ष्य पनि समाजवाद नै थियो । तर, ०४८ सालको सरकारले त्यसलाई काटकुट पारेर बीपी कोइरालालाई ‘महामानव’ बनाइदियो । तर, तपाईंहरू बुझ्नुहोस, बीपी कोइराला पनि तपाईंहरू जस्तै मानिस हुनुहुन्थ्यो । उहाँमा केही विशिष्ट गुण थिए जसले उहाँलाई नेपाली काँग्रेसको नेता बनायो । नेता महापुरुष हुँदैन । महापुरुषले आफ्नो योजना आयोगका सदस्यलाई ‘गाउँको किसानको अनुहार हेरेर योजना बनाउनुस’, ‘पार्टी सत्तामा पुुगेपछि जान्नेबुझ्नेहरू माथि माथि बस्छन्’ भनेर आफ्ना नेता कार्यकर्तालाई सतर्क बनाउँदैन । अहिलेका नेताहरूले बीपी कोइरालाका बारेमा छरेका गुण कुनै पनि सही छैनन् । राष्ट्रिय मेलमिलाप राजासँग घाँटी जोड्ने काम थिएन । भारतमा टिक्नै नसक्ने अवस्था आएपछि मरे पनि नेपालमै मर्छु भनेर उहाँ नेपाल फर्किनुभएको थियो । भारतमा उहाँ जयप्रकाश नारायणसँग जोडिनुभएको हुनाले सधैँभरि दिल्लीको आँखाको कसिङ्गर भइरहनुभयो । उहाँले कम्युनिस्ट पार्टीलाई कहिल्यै विश्वास गर्नुभएन । त्यसैले उहाँ जिन्दगीभर असफल हुनुभयो । अहिलेका तपाईंका नेताहरू न बीपीको आदर्श मान्छन् न बीपीको बाटो पछ्याउँछन् । बीपीको आदर्शका हिसाबले अहिलेको नेपाली काँग्रेसलाई चिन्न खोज्यो भने त्यो अनुसन्धानकर्ता नै बहुलाउँछ । मैले कुनै अतिरञ्जना गरेको छैन । आजभन्दा ८० वर्ष अघि समाजवादको आदर्श बोकेर राजनीतिमा उत्रिएको मान्छे कसरी राजतन्त्र पक्षधर हुन्छ ? बीपीको जीवनशैलीलाई नजिकबाट चिन्नेहरूले कसरी बीपीलाई हिन्दु भन्न सकेका होलान् ! हामी केटाकेटी उमेरकैहुँदा उहाँले हिन्दु धर्मसँग जोडिएको मृत्यु संस्कार त्यागिसक्नुभएको थियो ।

नेपाली काँग्रेसका युवा नेता हो, बीपीका राजनीतिक कृतिहरूको अध्ययन गर्नुहोस् । पार्टी जोगाउने कोसिस गर्नुहोस् । तपाईंका एक जना पनि बूढा नेतासँग बीपीको समाजवाद बोकेर हिँड्ने क्षमता छैन । अहिलेको सरकारलाई विरोध गरेर तपाईंहरू कहिल्यै समाजवादी यात्रामा जान सक्नुहुन्न ।

देश युवाको जिम्मामा गइसक्यो । यसको उद्घोष हो – सङ्घीय लोकतान्त्रिक गणतन्त्र नेपाल । यसलाई बचाउने र अगाडि बढाउने जिम्मा पनि समाजवादी आदर्श बोक्ने युवाकै हो ।

वि.सं.२०७५ चैत २८ बिहीवार १७:२९ मा प्रकाशित

धरानबाट पोखरातर्फ आउँदै गरेको बस दुर्घटनाहुँदा ३६ जना घाइते

धरानबाट पोखरातर्फ आउँदै गरेको बस दुर्घटनाहुँदा ३६ जना घाइते

दमौली । पृथ्वीराजमार्गअन्तर्गत तनहुँको व्यास नगरपालिका–१२ घाँसीकुवामा आज बिहान यात्रुवाहक...

त्रिविको इञ्जिनियरिङमा आवेदन दिने बढे, प्रवेश परीक्षा दिने घटे

त्रिविको इञ्जिनियरिङमा आवेदन दिने बढे, प्रवेश परीक्षा दिने घटे

प्रकाश सिलवाल, काठमाडौँ । त्रिभुवन विश्वविद्यालय इञ्जिनियरिङ अध्ययन संस्थानको स्नातक...

प्रधानमन्त्री प्रचण्ड र अध्यक्ष ओलीवीच सिंहदरबारमा भेटवार्ता

प्रधानमन्त्री प्रचण्ड र अध्यक्ष ओलीवीच सिंहदरबारमा भेटवार्ता

काठमाडौँ । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष...

भूकम्पप्रभावित क्षेत्रमा तत्काल स्थायी टहरा निर्माणमा पूर्वअर्थमन्त्री शर्माको जोड

भूकम्पप्रभावित क्षेत्रमा तत्काल स्थायी टहरा निर्माणमा पूर्वअर्थमन्त्री शर्माको जोड

रुकुम । पूर्वअर्थमन्त्री जनार्दन शर्माले भूकम्पप्रभावित क्षेत्रमा एक हप्ताभित्र अस्थायी...

यी हुन् रोजगारीका लागि बेलायत जान अन्तवार्ताका लागि नाम छनौट भएका ७१ नर्स

यी हुन् रोजगारीका लागि बेलायत जान अन्तवार्ताका लागि नाम छनौट भएका ७१ नर्स

काठमाडौं । बेलायतको स्वास्थ्य क्षेत्रमा काम गर्न जानका लागि ७१...

काठमाडौँमा निर्वाचन व्यवस्थापनसम्बन्धी अन्तर्राष्ट्रिय सम्मेलन हुने

काठमाडौँमा निर्वाचन व्यवस्थापनसम्बन्धी अन्तर्राष्ट्रिय सम्मेलन हुने

काठमाडौँ । एसियाका निर्वाचन व्यवस्थापनसम्बन्धी निकाय र संस्थाका उच्चस्तरीय प्रतिनिधिको...