शुक्रबारको खेलमा सिंगापुरलाई २७७ रनले हराएको नेपालले शनिबार युएईसँग १ रनले पराजित भएको छ ।
मलेसियामा जारी एसिया छनोटको दोश्रो खेलमा नेपाल युएईसँग १ रनले पराजित भएको बताइएको छ । खेलको विचमा वर्षा भएकोले नेपालले १ रनले पराजय बेर्होनुपरेको हो ।
नेपालले युएईलाई २४८ रन दिएको थियो । युएईले जवाफी व्याटिङ गरिरहँदा वर्षा भएकोले खेल रोकिएका कारण खेलको निर्णय डिएलबाट गरिएको बताइएको छ ।
३० ओभरमा ३ विकेट गुमाएर १ सय २२ रन जोडेको युएईका खेलाडी अर्भिन्दले अविजितले ४७ रन जोडेका थिए भने आन्स टन्डनले ५४ र न जोडका थिए ।
त्यस्तै नेपाली खेलाडी कमल ऐरी र सागर ढकालले एक÷एक रन विकेट लिएका थिए भने भिम सार्की र हरि चौहानले अर्धशतकिय इनिङ खेलेका थिए । त्यस्तै हरिले ७४ बलमा ६७ रन बनाएका थिए भने भिमले ५४ बलमा ५३ रन बनाएका थिए ।
त्यस्तै ओपनर रित गौतमले ४४ रन जोड्दा आरिफ शेखले २७ रन बनाएका थिए भने कप्तान रोहित कुमार पौडेल १८ रनमा आउट हुँदा पवन सर्राफले १२ रन जोडेका थिए ।
पहिलो खेलमा सिंगापुरलाई भारी रनले पराजित गरेको नेपालले दोस्रो खेलमा युएईसँग १ रनले पराजित भएको छ । साथै नेपालले तेस्रो खेल आयोजक राष्ट्र मलेसियासँग अप्रिल १५ मा खेल्दैछ ।
वि.सं.२०७५ चैत ३० शनिवार १८:१७ मा प्रकाशित
