हामी सबैकाे संसारन्यूज

१ वैशाख, काठमाडौ । प्रधानमन्त्री केपी शर्मा ओलीले समृद्ध नेपाल सुखी नेपाली बनाउने संकल्प गरेको एक वर्ष पुरा भएको छ । नयाँ वर्ष २०७५ सालको सुरुवातसँगै रारा तालबाट देशवासीका नाममा सम्बोधन गर्दै प्रधानमन्त्री ओलीले देशलाई समृद्ध र जनतालाई सुखी बनाउने सपना बाँडेका थिए । प्रधानमन्त्री ओलीले वर्ष २०७५ भरि नै यस्ता मीठामीठा सपना देखिरहे बाँडिरहे । तर एक वर्षअघि भित्तामा झुन्ड्याइएको पात्रो नयाँ वर्ष २०७६ को आगमनसँगै फेरियो जनताको जीवनस्तरमा भने केही परिवर्तन आएको छैन ।

वाम विश्लेषक भरत दाहाल जनताको दैनिक जीवनमा परिवर्तन आउनेगरी सरकारले केही काम गर्न नसकेको बताउँछन् र आमजनताका समस्या समाधान होइन,बढेर गएका छन्, दाहाल भन्छन् भित्ताको पात्रो फेर्नुबाहेक जनताको जीवनमा बितेको एक वर्षमा केही परीवर्तन देखिएन । आइतबारको नागरिक दैनिकबाट ।