हामी सबैकाे संसारन्यूज

३ बैशाख, काठमाडौं । सरकारले लागू गरेको फ्रि भिसा फ्रि टिकट सम्बन्धी व्यवस्थाको दुरुपयोग गरेर म्यानपावर कम्पनीले लाखौं रुपैयाँ लिने गरे पनि सरकारले अनुगमन गर्न नसक्दा लाखौं युवा ठगीमा परेका छन् । फ्रि भिसा फ्रि टिकटको नाममा लाखौं असुल्ने गरे पनि १० हजार रुपैयाँको मात्र भरपाई दिने गरेका छन् ।

व्यवसायीले कामदारका १ लाख ५० हजार रुपैयाँ सम्म लिने र कतिपय रोजगार दाता कम्पनीले भिसा खर्च, आतेजाते हवाई टिकटबापत दिएको शोधभर्ना शुल्क समेत लिने गरेको देखिएको छ । बैदेशिक रोजगार विभागमा परेका उजुरी तथा पीडितले दिएको जानकारी अनुसार निःशुल्क भिसा तथा टिकटले उल्लेखित प्रावधान पूर्णरुपमा कार्यान्वयन नभएका कारण उजुरी गर्दा सबै पैसाको प्रमाण नहुने देखिएको छ ।

महालेखा परीक्षकको कार्यालयले सार्वजनिक गरेको प्रतिवेदनमा रोजगार व्यवसायीले तोकिएको शुल्कको अतिरिक्त रकम समेत लिने गरेको उल्लेख गरेको छ । मंगलबारको कारोबार दैनिकमा गोपाल संग्रौलाले लेखेका छन् ।