Sansar News
५ बैशाख, काठमाडौ । कीर्तिपुरस्थित राष्ट्रिय आयुर्वेद अनुसन्धान तथा तालिम केन्द्रका कर्मचारीले चार महिनादेखि तलब नपाएको भन्दै केन्द्रमा तालाबन्दी गरेका छन् ।
तलब नपाएपछि बिहान बेलुकी छाक टार्न र छोराछोरीको विद्यालयको शुल्क तिर्नसमेत नसकेको कर्मचारीले बताएका छन् ।
संघर्षरत कर्मचारीका संयोजक जय भण्डारीले करार सम्झौताअनुसार पाउने तलबभन्दा नपाउँदा रोजीरोटीमा समेत समस्या भएको बताउनुभयो ।
राष्ट्रिय आयुर्वेद अनुसन्धान तथा तालिम केन्द्रका निर्देशक डा. सिदार्थ ठाकुरले तलब खुवाउन नसकिएको भन्दै अब केही दिनभित्रै तलब खुवाइने बताउनुभयो ।
कर्मचारीले तलब नपाएको विषयमा स्वास्थ्य तथा जनसंख्या मन्त्रालयमा छलफल भइसकेको उहाँले बताउनुभयो । बिहीबारको गोरखापत्र दैनिकबाट ।
वि.सं.२०७६ वैशाख ५ बिहीवार ०८:१५ मा प्रकाशित
