Sansar News
८ बैशाख, नेपालगन्ज । बाँकेको कोहलपुर–नेपालगन्ज सडक खण्ड र नेपालगन्ज–गुलेरिया सडक खण्डलाई छुने जानकी गाउँपालिकामा सबैभन्दा धेरै लगानीका र धेरै ठूला उद्योगहरु सञ्चालनमा आएका छन् ।
एकपछि अर्को गरेर उद्योगहरु थपिदैँ गएपछि सो गाउँपालिका उद्योगमय बनेको छ । सोही कारणले त्यहाँ औद्योगिक करिडोर बनाउनुपर्ने माग पनि उद्योगी व्यवसायीबाट उठ्दै आएको छ ।
जानकी गाउँपालिकामा मात्रै अर्बौ लगानीका दुई दर्जन भन्दा ठूला उद्योग सञ्चालनमा आइसकेको गाउँपलिका अध्यक्ष रामनिवास यादवले बताए । उनले आफ्नो गाउँपालिका पश्चिम नेपालमै सबैभन्दा धेरै उद्योग भएको गाउँपालिका भएको बताएका छन् ।
अध्यक्ष यादवका अनुसार सो गाउँपालिकामा सञ्चालित उद्योगहरुमा लगानी थपिदैं गएको छ । यहाँ सञ्चालनमा रहेका उद्योगहरुमा गत अर्थिक वर्ष २०७४÷०७५ मा पाँच अर्ब २६ करोड ८० लाख रुपैयाँ बराबरको लगानी थपिएको छ । आइतबारको कारोबार दैनिकबाट
वि.सं.२०७६ वैशाख ८ आइतवार ०७:३० मा प्रकाशित
