८ बैशाख, काठमाडौं । काठमाडौं जिल्ला समन्वय समिति (जिसस) ले गत आर्थिक वर्ष २०७४/७५ मा वर्ष ढुंगा, गिट्टी बालुवा, ग्राबेल निकासीको लागि ३ क्षेत्रको ठेक्का सम्झौता गरेकोमा वातावरणीय प्रभाव मूल्यांकन नै नगरी न्यूनतम २ करोड रुपैयाँ देखि अधिकतम ७ करोड ७७ लाख लाख रुपैयाँ सम्मको निकासी शुल्कको ठेक्का सकार गरेपनि निकासी भएको नदीजन्य पदार्थको परिणाम खुलाईएको अभिलेख छैन ।
मकवानपुर जिससले जिल्लाभरीबाट निस्किएको नदीजन्य पदार्थको राजस्व संकलन गर्न ७ करोड ५० लाख रुपैयाँ न्यूनतम अंक भएको ठेक्का १७ करोड ९१ लाख ७८ हजार रुपैयँ रुपैयाँमा एक व्यवसायीसँग सम्झौता गर्यो ।
बजार मूल्य र गत वर्षको जिल्लाभित्रको खपत परिणाम एवं निकासी परिणाम नखुलाई न्यूनतम् अंक निर्धारण गर्यो । जिससले २४ करोड ६२ लाख ६६ हजार रुपैयाँ आय हुने देखिएकोमा कर समेत ८ करोड ४७ लाख ५० हजार रुपैयाँ मात्र कायम गरेबाट न्यूनतम् अंक यर्थात रुपमा कायम नगरेको भेटियो । आइतबारको कारोबार दैनिकबाट
वि.सं.२०७६ वैशाख ८ आइतवार ०७:४१ मा प्रकाशित
