८ बैशाख, काठमाडौं । सरकारले एक वर्षमा झण्डै दोब्बर (२० लाख) पर्यटक भित्राउने महत्वकांक्षी लक्ष्य राखेर शनिबार देखि ‘नेपाल भ्रमण वर्ष २०२०’ औपचारिका सुरुवात गरेको छ ।
पर्यटकीय नगरी पोखराबाट शनिबार अभियान सुरु हुँदै गर्दा यसको सफलतामाथि टिका टिप्पणी सुरु भएका छन् ।
नेपालमा पछिल्लो वर्ष ११ लाख ७५ हजारको हारहारीमा पर्यटक भित्रिएका छन् । सरकारले यो वर्ष (सन् २०१९) प्रचार प्रसार गरी आगामी वर्ष २० लाख पर्यटक ल्याउने लक्ष्य राखेको हो । एक वर्षको तयारी झण्डै दोब्बर पर्यटक आउने, नआउनेमा पर्यटन व्यवसायी अलमलमा परेका छन् । सरकारले चमत्कारिक काम गरेमात्र लक्ष्य भेट्न सकिने उनीहरुको भनई छ ।
पुर्वाधारको विकास विना सरकारले लक्ष्य हासिल गर्न सक्ने आधार नदेखिएको र पूर्वाधार एकवर्षमै तयार नहुने धारणा व्यवसायीको छ । आइतबारको नागरिक दैनिकमा खिलक बुढाथोकीले लेखेका छन् ।
वि.सं.२०७६ वैशाख ८ आइतवार ०८:२२ मा प्रकाशित
