हामी सबैकाे संसारन्यूज

८ बैशाख, काठमाडौं । बजारमा मानव स्वास्थ्यमा गम्भीर असर पर्ने अखाद्य वस्तुको बिक्रि वितरण बढेपछि त्यसलाई रोक्न सरकारले घुम्ती प्रयोगशालाको प्रयोग (ल्याब) सहित अनुगमन सुरु गरेको छ ।

गुणस्तरहीन खाद्य वस्तु विक्रि गर्नेलाई तत्काल कानुनी दायरामा ल्याएर कारबाही गर्न खाद्य प्रविधि तथा गुण नियनत्रण विभागले घुम्ती प्रयोगशाला सहित अनुगमन थालेको हो ।

खाद्य वस्तुको नमुना संकलन गरी विभागको प्रयोगशालामा ल्याएर परीक्षण गरी कारबाही गर्ने प्रक्रिया लामो भएपछि ठाउँको ठाउँमा कारबाही गर्न घुम्ती ल्याब प्रयोगमा ल्याएको हो ।

स्थलगतरुपमै गुणस्तर परीक्षण गर्ने अत्याधुनिक ल्याबसहितको घुम्ती प्रयोगशाला प्रयोगमा ल्याएको विभागका निर्देशक सन्जिव कुमार कर्णले बताए । आइतबारको नागरिक दैनिकमा दीलीप पौडेलले लेखेका छन् ।