Sansar News
९ बैशाख,काठमाडौं । गृहमन्त्रालयले दुई जापानी नागरिकलाई निकालेको छ ।
गृहले धर्म प्रचार प्रसारमा संलग्न मोरिता मासाहिरो र हासिमोतो युकारीलाई नेपाल प्रवेशमा ५ वर्ष प्रतिबन्ध समेत लगाएको छ । उनीहरु विद्यार्थी भिसामा नेपाल बस्दै आएका थिए ।
कास्कीको पोखरा फूलबारीस्थित शिवशक्ति क्याम्पसमा शिक्षाशास्त्र संकाय अध्ययन गर्न उनीहरुले भिसा लिएका थिए ।
विद्यार्थी भिसा लिएर धर्मप्रचार गरेकाले निकालिएको अध्यागमन विभागका महानिर्देशक इश्वरराज पौडेलले जानकारी दिए । सोमबारको अन्नपूर्णपोष्ट दैनिकमा शम्भु कट्टलले लेखका छन् ।
वि.सं.२०७६ वैशाख ९ सोमवार ०८:०४ मा प्रकाशित
