हामी सबैकाे संसारन्यूज

१२ बैशाख, काठमाण्डौं । वैदेशिक रोजगारीको सिलसिलामा एउटै म्यानपावरबाट साउदी अरब पुगेका आठ नेपाली कामदार साउदी जेलमा कष्टकर जीवन बिताउन बाध्य भएका छन् ।

गत वर्ष माघमा साउदी पुगेका उनीहरु तीन महिना देखि साउदीको साफर जेलमा छन् ।

पीडित राम बिहारी महत्तोका भाई खुसीलाल महत्तोले परराष्ट्र मन्त्रालयलाई पत्राचार गर्दा पनि सुनुवाई हुन नसकेको बताए । उनले एकहप्ता अघि उद्धाकार लागि पहल गरेका थिए । चक्रपथमा रहेको अल खलिज म्यानपावरबाट साउदी पुगेका उनीहरुले सम्झौता अनुसार पारिश्रमिक र खान बस्न नपाएपछि कम्पनी छोडेका थिए ।

जेल पर्नेमा राम बिहारी महत्तो, युवराज खत्री, लालबहादुर श्रेष्ठ, प्रेम बहादुर तामाङ, विकास राई, कर्ण बहादुर स्याङ्तान, अम्बर बहादुर लामा र भुपनारायण राजवंशी रहेका छन् । उनीहरु गतवर्ष माघमा चालकको रुपमा साउदी गएका थिए ।

उनीहरुले कम्पनी छाडेपछि कम्पनीले चोरी मुद्दाको आरोपमा जेल पठाएको पनि महत्तोले बताए । विहिबारको अन्न्पूर्णपोष्ट दैनिकबाट