हामी सबैकाे संसारन्यूज

१३ बैशाख, काठमाडौं । नेपाल कम्युनिष्ट पार्टी (नेकपा)का नेता तथा केन्द्रीय सदस्य हिमाल शर्माले आ–आफ्नो टाउकोमा आगो सल्काउन अपिल गरेका छन् ।

सामाजिक संजाल फेबुकमार्फत् आफ्नो धारणा सार्वजनिक गर्दै उनले नेकपामा पुर्व एमाले र पूर्व माओवादी नरहेको तथा गुट–उपगुट खरानी पार्न सबैले आ–आफ्नो टाउकोमा आगो सल्काउन अनुरोध गरेका छन् ।

शर्माले काठमाडौं जस्तो महत्वपूर्ण जिल्लामा सचिवको भूमिका सिर्जनातात्मक प्रतिबद्धता समेत व्यक्त गरेका छन् ।

उनले भनेका छन्–
१-पार्टीले सुम्पेको जिम्मेवारीलाई आत्मासात गर्दे वाकी रहेको एकता प्रकृयालाई अन्तिम टुंगोमा पुर्याउनु एक कम्युनिष्ट सदस्यको कर्तव्य बन्न पुगेको छ !

२-मेरो आफ्नो हकमा नेकपा केन्द्रीय सदस्य सहित काठमाडौ जस्तो महत्वपूर्ण जिल्लामा सचिवको जिम्मेवारीलाई मैले सृजनात्मक बनाउन कोशिस गर्ने छु !

३- परिवर्तनको लागि पार्टीको आदेशमा मर्न जा भन्दा स्विकारियो ! पार्टीको निर्णय प्रधान हो, ब्यक्तिको चाहाना गौण भन्दै गत निर्वाचनको लागि उमेदवारको विषयमा मन खुम्चाइएन ! जहिलै पार्टी निर्णय मुख्य ठानेर आफ्नो विषय सहायक संझेको छु । यसपाली पनि यसै गरी बुझेको छु ।

४-पार्टीलाई पद्दतीमा चलाउन र कार्यकर्ताको क्षमता र भावना बमोजीम जिम्मेवारी सुम्पिने कुरा माथिल्लो नेत्तृत्वले बुझ्न जरुरी छ ।

५-अव काठमाडौ जिल्लामा पुर्व पार्टी (एमाले) (माओवादी केन्द्र ) भन्ने रहेन । सिंगो नेकपा वनेको छ । पूर्व पार्टीभित्रका गुट उपगुटको मानसिकतामा छ भने हामी सबैले आ-आफ्नो टाउकोमा आगो सल्काऔ ! अनि बल्ल नेकपा बलियो हुन्छ । गुट जतिसुकै वलसाली बनाए पनि पार्टी छैन भने हामी कोहि पनि रहदैनौ ।

५-नेकपाले एउटा नयॉ उद्देश्य र मिसन बोकेर नयॉ युगमा प्रवेश गरेकोले पुरानो विकृत संकृतिलाई त्यागौ । सवल पक्षलाई अगालौ ।

६- विचार, राजनीति र कार्यदिशालाई पनि नयॉ ढंगले विकास गर्नु परेको छ । त्यै बमोजीमको संगठन निर्माणको आधार बनाउनु पर्दछ भन्ने कुरा नभुलौ ।

७- रुपान्तरणको लागी यहॉहरुले गर्ने आलोचना एवं सुझावलाई मैले सदैव कदर गर्ने छु ।