हामी सबैकाे संसारन्यूज

साँच्चिकै बिदाइ पीडादायी हुन्छ
चाहे जस्तोसुकै होस्
टाढाको दुरीमा छुट्टिनेछ बिदाइ
नजिकको बिरानो बिदाइले
बिदाइ पीडादायी हुन्छ
आभास अनुभूतिको बेग्लै हुन्छ
कताकता केही कोही छुटेजस्तो महसुस हुन्छ
यो आभास नभइदिए
बिदाइ किन हुन्थ्यो र पीडादायी ?
आखिर एउटा अनजान मुटुको आभास
अर्को अनजान मुटुलाई किन पो हुन्छ ?
हो, यी सबै प्रश्नहरुको उत्तर छैनन् दुनियाँमा
त्यसैले त प्रश्नहरुको पीडा झै
बिछोडको पीडा दुःखद हुन्छ
कसै गरे नि भुल्न नसकिने
जसै जीवन पो चालिन्छ यहाँ

त्यसैले,
त्यसैले लाग्छ, साँच्चै बिदाइ पीडादायी हुन्छ
आँसुका मुहानहरु फुट्छन्
मुटुमा ज्वारभाटाहरु चल्दछन् अनायासै
यदाकदा मनमस्तिष्कमा
पारि गाउँ र क्षितिजमा डुब्ने घाम हेर्दै
टोलाई बाटो हेरी रुन पो मन लाग्छ
त्यसैले पीडा र आँसुको समिश्रण हो बिदाइ

तर,

तर आफ्नै मनलाई एकपटक सोध
आफ्नै एउटा निष्कर्ष निकालें
बिदाइ (किन पीडादायी) हुन्छ ?
साँँच्चीकै रोदनको सम्मिश्रण मात्र हुन्छ
तर मलाइ दिलको एक कुनाले बोल्यो
बिदाइ मिठो हुन्छ
एक मनले सोँचे
फरक धारले सोँचे
अझ बर्फिली हुन्छ ।।