हामी सबैकाे संसारन्यूज

२३ बैशाख, काठमाण्डौं । नेपाल कम्युनिष्ट पार्टी नेकपाका नेता तथा स्थायी समिति सदस्य अग्नि सापकोटाले देशमा ब्याप्त भएको भ्रष्टाचारको बारेमा बताउँदै प्रश्न गरेका छन् ‘यो देशलाई माया गर्ने कोही छ ?’

आइतबार नीति कार्यक्रमको छलफलका क्रममा संसदलाई सम्बोधन गर्दै नेता खरेलले बालुवाटार, खुलामन्च, पोखरा, जनकपुर लगायतका हजारौं भ्रष्टाचार हुने ठाउँको नाम भनिदिने पनि बताएका छन् ।

‘बालुवाटार, खुलामन्च, पोखरा, जनकपुर लगायतका कति ठाउँको नाम भन्नुस् म हजार ठाउँको नाम भन्छु ।’ सम्बोधनका क्रममा उनले भने ।

उनले अन्तराष्ट्रिय समितिबाट छानविनका लागि आफूले जिम्मा पाएको र सोहि क्रममा अध्ययन गर्दै जाँदा डरलाग्दो भ्रष्टाचारका कुरा त्यहाँ समेटिएको र डरलाग्दो रुपमा चित्रित भएको बताउँदै उनले प्रश्न गरेका छन् ‘वास्तवमा यो देशलाई माया गर्ने कोही छ ?’
उनले अध्ययनका क्रममा कर्पोरेट शैलीमा जग्गाहरु हडपेको, एनसेल लगायतका बुहराष्ट्रिय कम्पनीको कर छलीको कुरा सामान्य आर्थिक कुरासँग मात्र सम्बन्धीत नभएर यहाँको सरकार,प्रशासन र अदालतलाई समेत प्रभावित पारेर नेपालको सार्वभौम सत्तामाथि आक्रमण गर्ने सुनियोजित रणनीति अनुसार यो आएकोले यसलाई हलुका रुपमा नलिन पनि उनले आग्रह गरे ।

‘चार महिनाको अध्ययन र अनुसन्धान गर्दा मलाई गहिरो गरी अनुभुति भएको कुरा के हो भने, सरकार यति कमजोर छ, यति लाचार छ । हामीलाई कुनै विज्ञताको सहयोग भएन । विज्ञताको यति खाचो पर्यो, यति धेरै श्रोत साधनको खाँचो पर्यो । के रहेछ भने,नपालमा मिलाएर जति खाने भएपनि खाउँ भन्ने छ श्रम गर्नेहरुलाई रहेनछ ।’
नेता सापकोटाले १० औं हजार जमिन कब्जा गरिएको मात्र नभएर, राज्य संयन्त्रलाई नै असफल बनाउने सुनियोजित षडयन्त्रमा आधारीत रहेको बताउँदै सरकारी, सार्वजनिक र गुठी जग्गा सम्बन्धी जग्गाको छानविन गर्न सदनको समेत ध्यानाकर्षण गराएका थिए ।

‘एक महिनाभित्र कानुन बनाउन सकिन्छ, कानुन बनाएर सर्वाधिक शक्तिसाली उच्चस्तरीय आयोग गठन गरियोस् र पहिले सबै जग्गाहरु सरकारका नाममा फिर्ता ल्याइयोस् । र सरकारले उचित निर्णय गरोस् । उनले भने, ‘अब पनि विचौलिया र भूमाफियामाथि कठोर नहुने हो भने नियतिले आफ्नो बाटो समाउने छ ।’