Sansar News
२६ बैशाख, काठमाण्डौं । विश्वविद्यालयमा प्रधानमन्त्री र शिक्षा मन्त्रीको भूमिका थप शक्तिशाली हुने गरी ऐन संशोधन प्रक्रिया अघि बढेको छ ।
शिक्षासम्बन्धी केही नेपाल ऐन संशोधन गर्न बनेको विधेयक पास भए विश्वविद्यालयका कुलपति प्रधानमन्त्री र सहकुलपति रहने शिक्षामन्त्री पदाधिकारी नियुक्त र फेरबदलमा थप शक्तिशाली हुनेछन् । शिक्षा मन्त्रालयले हिउँदे अधिबेशनमा संसद्मा दर्ता गरिएको शंसोधन विधेयक बुधबार राष्ट्रिय सभामा पेस गरिएको हो ।
संसदको चालू अधिबेशनमै विधेयक पारित गर्ने सरकारको तयारी छ । विधेयकमा उल्लेख भएअनुसार कुलपति र सहकुलपतिले आवस्यकता अनुसार विश्वविद्यालयको निरीक्षण र जाँचबुझ गर्न सक्ने व्यवस्था रहेकामा संशोधित विधेयकमा ‘निर्देशन दिन’ सक्ने प्रवधान थपिएको छ । विहिबारको कान्तिपुर दैनिकमा सुदीप कैनीले लेखेका छन् ।
वि.सं.२०७६ वैशाख २६ बिहीवार ०७:२२ मा प्रकाशित
