२६ बैशाख, काठमाण्डौं । औषधी अभावका कारण वीर अस्पतालमा मिर्गौला प्रत्यारोपण रोकिएको छ ।
अस्पतालले अंग प्रत्यारोपण गर्दा प्रयोग हुने मुख्य औषधि (एटीजी) खरिद गर्न नसक्दा पाँच महिना देखि मिर्गौला प्रत्यारोपण हुन नसकेको हो । विशेषज्ञका अनुसार एटीजी औषधि विरामीको अंग प्रत्यारोपण गर्नुअघि र गरेपछि प्रयोग गरिन्छ ।
वीरमा दश वर्षदेखि सुरु भएको मिर्गौला प्रत्यारोपण विभिन्न समस्याका कारण बेला–बेलामा रोकिने गरेको छ । चारवर्ष अघिको भूकम्पले अस्पतालको भवन भत्कियो र ७ बेडको यो विभाग २ बेडमा खुम्चियो । भौतिक पूर्वाधार र जनशक्तिको अभावपछि अस्पतालले सातामा एक पटक मिर्गौला प्रत्यारोपण गर्ने गरेको थियो ।
अस्पतालका निर्देशक डा. केदार सेञ्चुरीका अनुसार मिर्गौला प्रत्यारोपणका लागि शल्यकक्ष र शल्यचिकित्सक दुवैको अभावले ये सेवा अघि बढ्न सकेको छैन । विहिबारको कान्तिपुर दैनिकमा फातिमा बानुले लेखेकी छन् ।
वि.सं.२०७६ वैशाख २६ बिहीवार ०७:३० मा प्रकाशित
