हामी सबैकाे संसारन्यूज

मानिसका आ–आफ्नै चाहना हुन्छन् । यो संसारमा कोही माटोपनका कारण निराश छन् भने कोही मोटोपनकै कारण खुसी पनि छन् ।

कोही मोटोपन घटाउनका लागि लाखौं रुपैयाँ खर्च गर्छन् भने कोही मोटोपन बढाउनकै लागि लाखौं रुपैयाँ खर्च गर्छन् । दुव्लाएर संसारमै दुव्लो व्यक्ति बनेर भन्दा पनि संसारमै मोटो व्यक्ति भनेर गिनिजबुकमा नाम लेखाउनेहरु पनि छन् ।

त्यस्तै अमेरिकाकी डाना सिम्पसनले संसारकै मोटी महिलाका रुपमा बच्चालाई जन्म दिएकी छन् । १९६७ मा जन्मिएकी सिम्पसनको वजन ४५३ किलो रहेको छ भने उनले सन् २००८ मा सबैभन्दा मोटी आमाको नाममा गिनिज वल्र्ड रेर्कडमा नाम लेखाएकी छन् ।

त्यस्तै अमेरिकाकै टेक्सासमा रहेकी मायरा रोसेल्स ४५३ किलोकी छन् । मोटोपनका कारण उनी एउटा हात उठाउन सक्तिनन् । अझै अचम्मको कुरा त के छ भने, उनीमाथि सन् २००८ मा २ वर्षका भतिजको हत्या गरेको आरोप छ । तर, अदालतले उनलाई निर्दोष रहेको फैसला गरेको थियो । अहिले उनको वजन कम रहेको र उनले मोटोपन घटाउनका लागि विभिन्न सर्जरी समेत गरेको बताइएको छ ।

त्यस्तै मैनुअल यूरीबको वजन ५९७ किलो थियो । मोटोपनका कारण नै उनको सन् २००९ मा मृत्यु भएको थियो ।

माइकल हेबरानलाई १९९० मा सबैभन्दा मोटो व्यक्तिको रुपमा गिनिज बुकमा नाम लेखाएका थिए । उनको मृत्यु सन् २०१३ मा भएको हो ।

त्यसैगरी चार सन्तानका बाबु रहेका केनेथ ब्रेमको वजन ४६८ केजी रहेको छ । उनले आफूलाई सम्हाल्न नसकेका कारण उनी चार वर्ष सम्म लगातार बिस्तरामा परेका थिए । उनको जन्म १९६८ मा भएको थियो । ऐजेन्सी