हामी सबैकाे संसारन्यूज

२८ बैशाख, काठमाडौं । डेभलपमेन्ट बैंकर्स एशोसियसनले नयाँ नेतृत्व पाएको छ । शुत्रबार सम्पन्न एशोसिएशनको १३ औं वार्षिक साधारणसभाले एशोसिएसनको अध्यक्षमा गरिमा विकास बैंकका प्रमुख कार्यकारी अधिकृत गोविन्दप्रसाद ढकाल र महासचिवमा ज्योति विकास बैंकका प्रमुख कार्यकारी अधिकृत मनोज ज्ञवालीलाई चयन गरेको हो ।

सभाले यसअघि कार्यबाहक अध्यक्षको जिम्मेवारी सम्हाम्दै आएका ढकाललाई आगामी दुई वर्षे कार्यकालका लागि अध्यक्षको जिम्मेवारी दिएको हो । एक वर्षअघि तत्कालिन अध्यक्ष भरतराज ढकाल मुक्तिनाथ विकास बैंकबाट बाहिरिएसँगै रिक्त रहेको उक्त पदमा ढकाले कार्यबाहक अध्यक्षको जिम्मेवारी सम्हाल्दै आएका थिए ।

नयाँ कार्यकारीणी समितिको प्रथम उपाध्यक्षमा मुक्तिनाथ विकास बैंकका प्रमुख कार्यकारी अधिकृत प्रधुम्न पोखरेल, द्धितीय उपाध्यक्षमा गण्डकी विकास बैंकका प्रमुख कार्यकारी अधिकृत रेशमबहादुर थापा, सचिवमा तिनाउ विकास बैंकका प्रमुख कार्यकारी अधिकृत प्रदीपकुमार श्रेष्ठ तथा कोषाध्यक्षमा सांग्रिला डेभलपमेन्ट बैंकका प्रमुख कार्यकारी अधिकृत सुयोग श्रेष्ठ चयन भएका छन । त्यस्तै सदस्य रेशमप्रसाद जोशी, नरेशसिंह बोहोरा, विरुराम जैसी, प्रवीण बस्नेत र नवीन सुवेदी चयन भएका छन् ।