हामी सबैकाे संसारन्यूज

स्याङ्जा जिल्ला किचनास नगरपालिका ३ स्थायी घरभई बिगत डेढ वर्षदेखि इटालीको फोज्जामा बसोबास गर्दै आएका २९ बर्षिय शोभित बहादुर विश्वकर्माको मृत्यु भएको छ ।

१० मे २०१९ का दिन उनको उपचारका क्रममा मृत्यु भएको एनआरएनए इटालीले जनाएको छ । एनआरएनए इटालीले विश्वकर्माको असामयिक मृत्युको खबरले मर्माहत भएको जनाएको छ ।

विश्वकर्माको स्वास्थ्यमा समस्या भै उपचारको लागि अस्पताल भर्नाभएको जानकारी पाउनासाथ एसएनआरएनए इटालीका उपाध्यक्ष देवराज गुरुङका साथै नेपालीसमाज रोमको तर्फ़बाट अध्यक्ष लगायतप्रतिनिधिहरुले अस्पतालमा पुगी उनको स्वास्थ्य स्थितिबारे जानकारी लिएका थिए । सम्बन्धित अस्पतालको जानकारी अनुसार स्वर्गीय विश्वकर्मालाई प्यान्क्रियाजको क्यान्सर भएको पनि एनआरएनए इटालीले जनाएको छ ।
एनआरएनए इटालीले सम्पूर्ण इटालीबासि नेपालीदाजुभाइ तथा दिदिबहिनिहरुको तर्फबाट दुख व्यक्त गर्दै शोक सन्तब्ध परिवारप्रति हार्दिक समबेदना व्यक्त गरेको छ ।

पारिवारिक अनुरोध अनुसार स्वर्गीय विश्वकर्माको पार्थिब शरीर सम्पूर्ण प्रकिया पुरा गरि आइतबार नेपाल ल्याइएको छ । स्वर्गीय विश्वकर्माको एक ६ बर्षीय छोरी र श्रीमती नेपालमै रहेका छन् ।

स्वर्गीय बिस्वकर्माको पारिवारिक आर्थिक स्थितिलाई मध्येनजर राख्दै एनआरएनए इटालीले उनको परिवारको लागि ४०० यूरो आर्थिक सहयोग गर्ने निर्णय गरेको बताइएको छ । सहयोग संकलन कार्यको लागि नेपाली समाज रोमबाट सुरु भैसकेको जानकारी दिँदै एनआरएनए इटालीले  सम्पूर्ण स्थानीय नेपाली समाज, संघसंस्था र सर्बसाधारणमा पनि सहयोगका लागि हार्दिक आव्ह्यन गरेको छ ।