हामी सबैकाे संसारन्यूज

१२ जेठ, बैङ्कक । थाइल्याण्ड्का पूर्व प्रधानमन्त्री प्रेम तीनसुलानन्दको आइतबार ९८ बर्षको उमेरमा निधन भएको छ । हृदयघातका कारण उनको निधन भएको स्थानीय सञ्चार माध्यमहरुले जनाएका छन् । बैङ्ककमा रहेको फ्रा मोङ्कुत्क्लाओ अस्पतालमा उनको निधन भएको जनाइएको छ ।

उनी गत सन् २०१६ मा तत्कालीन राजा महाभाजिरालङकर्नको निधनपछि शाही सल्लाहकार परिषद्को अध्यक्षका हैसियतले नयाँ राजा चयनमा महत्वपूर्ण भूमिका निर्वाह गरेकाथिए ।
पूर्व प्रधानमन्त्री प्रेमको सन् १९२० को अगस्त २६ तारिखका दिन जन्म भएको थियो । उनी सोङख्ला प्रान्तका स्थानीय बासिन्दा भएपनि सिसाओमा लामो समय बसेका थिए ।थाइल्याण्ड्को पूर्व सेनापति समेत रहेका प्रेम सन् १९८० देखि १९८८ सम्म प्रधानमन्त्री बनेका थिए ।