Sansar News
६ असार, अफगानिस्तान । सरकारी सुरक्षाकर्मीहरूको आक्रमणमा परी अफगानिस्तानमा २६ लडाकू मारिएका छन् ।
बाघिस र छिमेकी फार्याब प्रान्तका केही भागमा भएका २४ घण्टाभित्रका सुरक्षा कारबाहीमा परी मारिनेमा १६ जना तालिबान कमाण्डरसमेत रहेको सुरक्षा अधिकारीहरूले जनाएका छन् ।
गत २४ घण्टाको अवधिमा उनीहरू मारिएको सेनाका उत्तरी क्षेत्रीय प्रवक्ता मोहम्मद हनिफ रेजाईले बिहीबार जानकारी दिए ।
अधिकारीहरूका अनुसार नेटो नेतृत्वको गठबन्धन सेनाले गरेको हवाई आक्रमणमा परी उच्च लडाकू कमाण्डरहरू मारिएका छन्।
सुरक्षाकर्मीहरूले कारबाही अभियानलाई जारी गरेको सुरक्षा अधिकारीहरूले जनाएका छन् भने यो घटनाका बारेमा तालिबान लडाकूको तर्फबाट कुनै प्रतिक्रिया नआएको समाचारमा जनाइएको छ ।
वि.सं.२०७६ असार ६ शुक्रवार ०९:१७ मा प्रकाशित
