२७ असार, काठमाडौँ । बीपी कोइराला राष्ट्रिय विज्ञान प्रतिष्ठान धरानका उपकुलपति प्रा.डा. राजकुमार रौनियार लाख रुपैयाँ घुससहित रंगेहात पक्राउ परेका छन् ।
अख्तियार दुरुपयोग अनुसन्धान आयोगको टोलीले बिहीबार साँझ रौनीयारलाई विश्वविद्यालयका कार्यालय परिसरमा रहेको उपकुलपतिको निवासबाटै घुससहित रंगेहात पक्राउ गरेको अख्तियारका प्रवक्ता प्रदीप कोइरालाले जानकारी दिए ।
उपकुलपति रौनीयारसँगै विश्वविद्यालयमा एमडीमा अध्ययनरत डा. रामहरी रौनीयार पनि पक्राउ परेका छन् । रौनियारले बिचौलियाका रुपमा घुस रकम लिएर उपकुलपतिलाई बुझाएको र सोही क्रममा दुवैलाई रंगेहात पक्राउ गरिएको अख्तियारले जनाएको छ । घुस रकमसहित पक्राउ परेलगत्तै उपकुलपति रौनीयार स्वतः निलम्बनमा परेका छन् । शुक्रबारको राजधानी दैनिकबाट
