हामी सबैकाे संसारन्यूज

१३ साउन, काठमाण्डौं । नेपाल कम्युनिष्ट पार्टी (नेकपा) को आज सोमबार बसेको सचिवालय बैठकले केही थप सहमति गर्दै बाँकी काम साउन २८ गते पूरा गर्ने गरी बैठक स्थगीत गरेको छ ।
हिजो साउन १२ गते महत्वपूर्ण निर्णय हुने भनि प्रचारित गरिएको बैठक साउन १३ गते सम्म्का लागि स्थगीत गरिएको थियो । १२ गतेको सचिवालय बैठक पहिले नेकपाका शिर्ष नेता माधब कुमार नेपालले अध्यक्ष केपी ओली र प्रचण्डलाई स्कुलिङ विभागमा नारायणकाजी श्रेष्ठलाई सहमति गरेको कुरा बाहिर आएको थियो । साउन १२ गते बाँकी सबै काम एकै प्याकेजमा गर्ने र सो घोषण पनि आजै १३ गते हुने भनिएको थियो ।

सचिवालय बैठकको बोलावट भए पनि दुई अध्यक्षवीच गृहकार्य पूरा नभएको भन्दै १२ गतेबाट १३ गतेलाई सारिएको बैठक थप सहमतिका साथ १५ दिन पर पुर्याइएको छ । यो विचमा प्रयाप्त गृहकार्य गर्ने, नेताहरुको रुचि बुझ्ने र प्रतिश्पर्धामा रहेकालाई कन्भिन्स गरेर अन्य जिम्मेवारी दिने तथा विभाग र आयोगको बाँकी काम टुंगोमा पुर्याउने गरी साउन २८ सम्मलाई बैठक स्थगन गरिएको बताइएको छ । चर्चामा रहेको स्कुल विभागमा भने प्रचण्ड, माधव, झलनाथ र बामदेव समेतले नारायणकाजीलाई समर्थन दिएको यथावतै छ ।