हामी सबैकाे संसारन्यूज

१४ साउन, काठमाडौँ । कक्षा १२ अर्थात् विद्यालय तहको अन्तिम परीक्षामा सर्वाेकृष्ट जीपीए ४.०० कसैको पनि आउन सकेन ।

३ हजार ६७ जना विद्यार्थीले उच्च तह ३.६१ देखि माथिको जीपीए ल्याएका छन् । उच्च तहको अङ्क ल्याउने समूहअन्तर्गत ४ जीपीए प्राप्त गर्ने परीक्षार्थाीको सङ्ख्या शून्य रहेको राष्ट्रिय परीक्षा बोर्डका परीक्षा नियन्त्रक कृष्णप्रसाद शर्माले जानकारी दिए ।

कक्षा १२ को वैशाखमा सञ्चालित परीक्षाको नतिजा बोर्डले सोमबार सार्वजनिक गरेको हो । राष्ट्रिय परीक्षा बोर्डका परीक्षा नियन्त्रक शर्माका अनुसार गत वर्षमा जस्तै यसपालि मध्यमस्तरको जीपीए ल्याउने विद्यार्थीको सङ्ख्या सबभन्दा बढी छ ।

परीक्षामा नियमित, ग्रेडवृद्धि र आंशिकतर्फ गरी ४ लाख २८ हजार ६७ परीक्षार्थी सहभागी थिए । नियमिततर्फ २ लाख ९२ हजार १ सय ५३ परीक्षार्थी थिए । गतवर्ष कक्षा ११ को परीक्षमा एक विद्यार्थीले मात्र उत्कृष्ट ४.०० जीपीए ल्याएका थिए । मंगलबारको कान्तिपुर दैनिकबाट