हामी सबैकाे संसारन्यूज

१९ साउन । अमेरिकामा केही दिन यता लगातार बन्दुक आक्रमण भैरहेको छ । एक हप्ताबीचमा २ छुट्टाछुट्टै ठाउँमा आक्रमण भएका छन् । अमेरिकी समय अनुसार शनिबार बिहान अमेरिकाको टेक्सास राज्यमा बन्दुक आक्रमणमा परेर कम्तीमा २० जनाको मृत्यु भएको छ भने २६ जना घाइते भएको बताइएको छ ।

एल पासो सहरस्थित व्यापारीक केन्द्र वालमार्टमा भएको उक्त घटनालाई टेक्सासका गभर्नरले आफ्नो प्रान्तका लागि ‘इतिहासकै सबैभन्दा घातक दिन मध्येको एक रहेको’ बताएका छन्।

अन्तर्राष्ट्रिय समाचार संस्था एबिसिका अनुसार घटना अमेरिका र मेक्सिकोको सिमानाभन्दा केही पर रहेको वालमार्ट स्टोरमा भएको सो आक्रमणमा सहभागी रहेको आशंकामा प्रहरीले प्याट्रिक क्रुसिअस नामक एक २१ वर्षीय युवालाई हिरासतमा लिएको छ।

सो घटनामा मेक्सिकोका नागरिक पनि मारिएको जनाइएको छ । मेक्सिकोका राष्ट्रपतिले आफ्ना तीन जना नागरिकको मृत्यु र ६ जना घाइते भएको बताएको जनाएका छन्। आक्रमणकारीको निशानामा मेक्सिको नागरिक रहेको एक अधिकारीले जनाएको बताइएको छ ।
आक्रमणकारीले आधुनिक हतियारका साथै एके ४७ राइफल पनि चलाएको ती अधिकारीले जनाएका छन् ।

अमेरिकी राष्ट्रपति डोनाल्ड ट्रम्पले यसलाई कायरतापूर्ण कार्यको रूपमा भर्त्सना गरेका छन् र भनेका छन् कि निर्दोष व्यक्तिहरूको हत्या कुनै पनि परिस्थितिमा जायज ठहराउन सकिदैन।

ट्रम्पले ट्वीट गरे, “टेक्सासको एल पासोमा आज भएको गोलीबारी दुखद घटना मात्र होईन, यो एउटा कायरतापूर्ण कार्य पनि हो।”

Today’s shooting in El Paso, Texas, was not only tragic, it was an act of cowardice. I know that I stand with everyone in this Country to condemn today’s hateful act. There are no reasons or excuses that will ever justify killing innocent people….

— Donald J. Trump (@realDonaldTrump) August 4, 2019