हामी सबैकाे संसारन्यूज

कोपनहेगन, डेनमार्क । प्रवासी नेपाली एकता मंच डेनमार्कको संयोजकमा उदय गौतम चयन भएका छन् ।

प्रवासी नेपाली एकता मन्च डेनमार्कले सहमतिमा आफ्नो नेतृत्व घोषणा गर्दै नेतृत्व चयनको लागि केन्द्रमा सिफारिस पठाएपनि लामो समयसम्म निर्णय नआएपछि एक भेलाको आयोजना गरेर प्रवासी नेपाली एकता मन्च डेनमार्कको संयोजकमा उदयराज गौतमलाई चयन गरेको जनाएको छ ।

पूर्व प्रवासी नेपाली मंच र नेपाली जनप्रगतिशील मंच डेनमार्कको आइतबार कोपनहेगनमा आयोजित संयुक्त कार्यकर्ता भेलाले गौतमलाई संयोजक र कृष्ण पौडेललाई सहसंयोजकमा चयन गरेको बताइएको छ ।

उक्त निर्णय अनुसार अर्को व्यवस्था नहुन्जेलसम्म संगठनको सम्पर्क, समन्वय, संयोजन तथा नेतृत्व प्रदान गर्नको निम्ति सर्वसम्मत रुपमा नेतृत्व चयन गरेको पनि मन्चले जनाएको छ ।
तत्कालिन नेपाली जनप्रगतिशील मंच डेनमार्कका सस्थापक अध्यक्ष समेत रहेका संयोजक गौतमले सबैले विश्वास गरेर जिम्मेवारी दिएकोले सबैको साथ सहयोग लिएर संगठनलाई अगाडी बढाउने बताउँदै भने, ‘संस्था एकिकरण भए पनि नेतृत्वको टुङ्गो लाग्न धेरै समय लाग्दा केही असहजता थियो, अब मिलाएर अगाडी बढिने छ ।’

त्यस्तै सहसंयोजक पौडेल प्रवासी नेपाली मंच डेनमार्कका पूर्व अध्यक्ष हुन् । सहसंयोजक पौडेलले संस्थाका सबै साथीहरुलाई विश्वासमा लिएर सस्थालाई सक्रिय बनाउँदै अगाडि बढाउने बताएका छन् ।