हामी सबैकाे संसारन्यूज

दुई वर्षभित्रमा निर्माण कार्य सम्पन्न गर्ने गरी प्रेरा–शाहा जेवी निर्माण कम्पनीले ठेक्कामा लिएको सो भवन २०७२ असार २६ गते शिलान्यास भएको थियो ।

तत्कालीन प्रधानमन्त्री एव्म नेपाली काँग्रेसका सभापति सुशील कोइराला, नेकपा (एमाले)का अध्यक्ष केपीशर्मा ओली, एकीकृत नेकपा माओवादीका अध्यक्ष पुष्पकमल दाहाल ‘प्रचण्ड’ र मधेसी जनअधिकार फोरम नेपाल लोकतान्त्रिकका अध्यक्ष विजयकुमार गच्छदारले संयुक्त रुपमा शिलान्यास गर्नुभएको थियो ।

कुल रु १२ करोड ७२ लाख ६९ हजार लागतमा निर्माण हुने उक्त तीनतले अत्याधुनिक एवम् अन्तर्राष्ट्रियस्तरको सभागृह भवनको लम्बाइ ५३ मिटर र चौडाइ ३४ मिटर रहने छ । सभागृहको पहिलो तलामा व्यावसायिक उद्देश्यका २७ वटा कोठा, दोस्रो तलामा दुई वा तीनवटा बैंक अट्ने कोठा र तेस्रो तलामा सभाका लागि एक हजार मानिस अट्ने वातानुकूलित कोठा बन्ने छ ।

उक्त भवन शिलान्यास भएको १६ महिना बितिसक्दा पनि अहिलेसम्म कामले गति लिन नसक्दा भवन समयमै निर्माण हुने अवस्था नरहेको स्थानीयवासी बताउँछन् । रासस