हामी सबैकाे संसारन्यूज

११ मङ्सिर,बागलुङ। आगामी मे(वैशाख–जेठतिर)मा दृष्टिविहीन अमिट केसीले शिखर सगरमाथामा पाइला टेक्ने योजना बनाउनुभएको छ ।

सगरमाथा चढ्ने अभियानमा चार वर्षदेखि लाग्नुभएका बागलुङ, सर्कुवा–२ का केसीलाई अहिले पैसाको चिन्ता छ । उहाँलाई एउटै डर छ, सगरमाथा चढ्ने सपनाको तगारो पैसा बन्ने त होइन ? यसअघि उहाँले गत वर्ष चैत ८ गते सोलुखुम्बुस्थित छ हजार छ यस ५४ मिको ‘मेरापिक’ र यसै वर्ष वैशाख ८ गते छ हजार एक सय ८६ मिको ‘आइसल्यान्ड पिक’सफल आरोहण गरिसक्नुभएको छ ।

तयारीका क्रममा हालसम्म रु १० लाख खर्च भइसकेको केसीले बताउनुभयो । “अब मात्र अर्थ कसरी जुटाउने भन्ने समस्या छ, पर्यटन मन्त्रालयले पनि स्वीकृति दिइसकेको छ” केसीले भन्नुभयो । रासस