back

कविता : मतभेद

वि.सं.२०७६ भदौ २८ शनिवार

192 

shares
RBB AD
NTC AD

आकाशमा बादल फाटेको दिन
सुनौलो सपनाको पंख हालेर
यस धरतीमा तिमी
फ्वात्त खसेको थियौ अरे
कतैबाट !
मानौं कि,
इश्वरीय देन थियो अरे त्यो
जसले गर्दा
मेघको कुनै गर्जन झेल्नुपरेन
कहिल्यै चेहराको रंग बदल्नुपरेन ।

सात जुनी सगै जिउने भनी
तिमीले मलाई
अग्निको वरिपरि सात फन्को
फनफनी घुमाएका थियौ
त्यसैले,
सन्तृप्त देखावटी मुस्कान छर्दै
तिम्रो घरमा भित्रिएकी हुँ ।
दाइजो दिएर
तिमीलाई खुशी पार्न
मेरो बुवाले बन्दगी राखेको खेत
मेरी आमाको बेचिएको तिलहरी
मैले अझै पनि भुलेकी छैन ।

वर्षौंदेखि,
कयौ पटक
शौचालयको भित्तामा लेखिएका
शब्दसँग ठ्याक्कै मेल खाने ती शब्दले
मनको आगो दनदनी बले जसरी
भस्म खरानी भएको छु ।
पेटमा अंकुराउँदै गरेकी
यो अबोध बच्चिले
मलाई सुम्सुमाउदै भन्छे
मामु,म जन्मिन चाहन्छु !

कयौ प्रहर,
कयौ रात
तिमीलाई मनाउन मैले
औंला जोडेर विन्ती विसाउदा
गालामा चड्कन खाएकी छु
तर तिमी अझै,
भ्रुण हत्याकै साँघुरो सोचमा छौ
हो,थाहा छ मलाई
तिमीबिना म
निस्फिक्री आमा हुन सक्दिन !

वि.सं.२०७६ भदौ २८ शनिवार ०८:३६ मा प्रकाशित

NLIC AD
NABIL bank AD
गजल

गजल

वेद प्रसाद रिजाल, मङलबारे, इलाम तिमीलाई आफ्नै छु ठानेको मैले...

गजल

गजल

डा. घनश्याम परिश्रमी उनी को हुन् को ? छैनँ जानेको...

गजल

गजल

डिल्ली राज घिमिरे भूमिकास्थान – ९, अर्घाखाँची प्रिया तिम्रो आँचल...

गजल

गजल

सत्यराज जोशी ‘पङ्कज’ बेलौरी न.पा.१० शिवनगर, कञ्चनपुर थिएँ हेर्दै जुन...

गजल

गजल

स्वर्णशिखा, दाङ बुझेनौ कि क्या हो बखानेको मैले भन्यौ व्यङ्ग्य...

गजल

गजल

मिलनकुमार ढुङ्गाना, झापा उनी भन्छन् जम्मै छ जानेको मैले बुझेनन्...