हामी सबैकाे संसारन्यूज

सर्वशक्तिमान हुँ म वर्तमानको,
भगवान हुँ म यस कलियुगको,

म काल हुँ
म विधाता हुँ

किनभने : ‘म पैसा हुँ’ !

रात–दिन दौडिन्छन् मान्छे घाम पानी सहेर
नतमष्तक झुक्छन् मान्छे मोहनी मुग्ध भएर

धनी–गरीब सबै मेरा दास हुन
रीस–अहङ्कार मेरा खास हुन्

किनभने : ‘म पैसा हुँ’ !

मान्छे–मान्छेको विचमा आगो बाल्ने
म पैसा,
आफ्नो–आफ्नोको माझमा बार लाउने
म पैसा,

प्रेमी–प्रेमीका औ लोग्ने–स्वास्नी
दाज्यू–भाईहरूमा फाटो ल्याउने
म त्यही पैसा

म सर्वस्व हुँ
म सर्वश्रेष्ठ हुँ
भनेर प्रचण्ड घमण्ड बोकर हिँड्ने
यो पैसालाई…

म ब्राह्मण्ड हुँ
म प्रकृति हुँ
भनेर धाँकहरू हाँक्ने
यो पैसालाई…

मेरो असंख्या प्रश्नहरू छ
खुल्लम चुनौतीहरू छ

लु किनेर देखा जन्म दिने आमा–बाबु
एकैपल्ट समेटेर देखा साँचो इष्ट–मित्र

सक्छस् ???

सक्छस् भने समयलाई किनेर देखा
सक्छस् भने विगतलाई फर्काएर देखा

एक मुट्ठी खुसीहरू हत्याएर देखा पैसाको बलमा
मृत्यूलाई जिन्दगीसंग साटेर देखा पैसाको बलमा

सक्छस् ???

हो !
किनेर देखाइ दे इश्वर…!
किनेर देखाइ दे इमान…!

ऐ पैसा…???