Sansar News
७ असोज, सप्तरी । भूमि सुधार तथा मालपोत कार्यालय राजविराज, सप्तरीमा कार्यरत सहयोगी अर्जुन कुमार मण्डल घुस सहित पक्राउ परेका छन् ।
कार्यालय सहयोगी मण्डलले मोही जग्गाको बाँडफाँड सम्बन्धी मुद्दाको लगत कट्टा गरिदिने प्रयोजनका लागि सेवाग्राहीसँग घुस माग गरिरहेको भन्ने सूचना एवं उजुरीको आधारमा अख्तियार दुरूपयोग अनुसन्धान आयोगको टोलीले मण्डललाई सेवाग्राहीसँग रु. २ हजार घुस लिइसकेको अवस्थामा पक्राउ गरेको हो ।
पक्राउ परेका निज मण्डल माथि थप अनुसन्धान भइरहेको अख्तियारले जनाएको छ ।
वि.सं.२०७६ असोज ७ मंगलवार १६:४० मा प्रकाशित
