हामी सबैकाे संसारन्यूज

बिष्णु भण्डारी जनसाहित्यमा कहलिएका लेखक हुन् । भुँइ मान्छेका जीवन भोगाइलाई टपक्कै टिपेर साहित्य रचना कर्ममा लागेका भण्डारीले पछिल्लो पटक सुनको पहाड नामक उपन्यास आम पाठकलाई दिएका छन् ।

प्रत्येक नयाँ लेखनिमा अघिल्लो भन्दा पृथक अन्दाज पस्कने क्षमता लेखक भण्डारीमा छ । यहि क्षमतालेनै भण्डारी आम पाठकका प्रिय लेखक कहलिएका हुन् ।

लेखक भण्डारीको सुनको पहाड प्रकासन गरेको फिनीक्स बुक्सले दशैको बिदालाई आम पाठकले पढेर सदुपयोग गरुन् भन्ने उन्मुक्त चाहानाले दशैको पुवार्धमा पुस्तक प्रकाशन गरेको छ । लेखकको नव प्रकासीत उपन्यास सुनको पहाड अघिल्लो उपन्यास पहेँलो घाम भन्दा पृथक छ । लेखकले सुनको पहाडमा माओवादी ससस्त्र युद्धका घटनाक्रमलाई नया फ्लेवर दिन सफल भएका छन् ।

ससस्त्र संघर्ष र त्यसलाई मिथकिय स्वरुप दिएर गरीएको न्यारेसनले पाठकको मन च्वास्स छुन्छ । पाठकको दिमाग भित्र पसेर आँधिबेहरी उठाउन र दिल भित्र पसेर आनन्दको परीस्थीति श्रृजना गर्न पुस्तक सफल छ ।

बिम्ब र अलङकार साहित्यका श्रदेय स्वरुप हुन् । यिनि स्वरुपलाई लेखकले भरपुर उपयोग गरेका छन । उपन्यासलाई काव्यात्मक र गेयात्मक बनाउन लेखकले प्रयोग गरेका बिम्ब र अलङकारले भरपुर मद्दत गरेका छन् ।

ससस्त्र द्धन्द्व र यसका आयामहरुमा लेखकले पुराना मान्यता र आर्दशहरुलाइ तिलान्जली दिने प्रयत्न गरेका छन । लोककथालाई कल्पनाको ताज पहिराएर शसस्त्र द्धन्द र यसका आयामहरुलाई छताछुल्ल पार्न लेखक सफल भएका छन् । लेखकको यो प्रयोग बहसको विषयमात्रै होइन स्वागत योग्य कदम पनि हो ।

लेखकको आर्को स्वागतयोग्य काम माक्र्सवादी साहित्यमा भुत प्रेत र स्वर्गको बिम्बात्मक प्रयोग पनि हो । लेखकले बिम्बमार्फत अलौकिक स्वर्ग र हावादारी भुतका कथालाई श्रम र मानविय मनोदशासँग जोडेका छन । सास्त्रीय माक्र्सवादीहरुले लेखकको यस प्रयोगलाइ निको नमान्न सक्छन् ।
प्रस्तुति, कथा वाचन र सव्द चयन उत्कृष्ट छ । थोरै भएपनि लुम्बिनी अन्चलको आन्चलीकता उपन्यासमा भेटिन्छ । हिजोको शसस्त्र द्धन्द्वमा सामेल भएका र भोगेका लागि त यो उपन्यास संग्रहणीय रचना हो । त्यसबाहेक त्यो द्धन्दको बारेमा जान्न र बुझ्न खोज्नेका लागि पनि सुनको पहाड पढ्नै पर्ने बनेको छ ।
सुरुवातमा लेखकले पुष्तकलाई उत्कृष्ट बनाउन खुवै मिहिनेत गरेका छन् । तर यो मिहिनेत समापनतिर पुग्दा कमजोर बनेको छ । सुरुवात जसरी अन्त्यसम्म लेखकले मिहिनेत गरेको भए पुस्तक सुनको पहाड होइन हिराकै पहाड बन्ने थियो । मध्यान्तर पनि असाध्यै स्वादिलो छ । तर समापनमा लेखक राम्रै गरी चिप्लीएका छन् । समापनमा उत्कृष्ट प्लटहरु छँदा छँदै लेखकले सवभन्दा नराम्रो प्लट छानेका छन । यसका बाबजुद् पनि प्रस्तुत उपन्यास बजारमा आएका समकालिन उपन्यास भन्दा उत्कृष्ट छ ।