हामी सबैकाे संसारन्यूज

आफ्नै भाइलाई पक्राउ गर्दा पनि सत्य र न्याय नछोड्न निर्देशन दिएको भनि चर्चामा आएका गृहमन्त्री राम बहादुर थापा ‘बादल’ ले दोषिलाई पक्रेर अनुसन्धान गर्न प्रहरी पछि हट्न नहुने भनेपछि कृष्ण बहादुर महराको पक्राउमा प्रहरी मुभ हुने स्थिति बढेको छ ।

रोशनी साहीद्धारा गत आइतबार राति दुराचारको आरोप लागेपछि उनले सोमबार नै सभामुखबाट राजीनामा दिएका थिए । आइतबार राती रोशनीको कोठामा नपुगेको विज्ञप्ति सचिवालयबाट निकालिए पनि प्रहरीको उच्च नेतृत्वले सीसीटिभी फुटेज नै प्रधानमन्त्री लगायतको राजनैतिक नेतृत्वमा पुगेपछि घटनालाई नेकपा सचिवालय समेतले गंभीर रुपमा लिएको थियो ।

आइतबार साझ नै प्रहरीलाई खबर गरेकी र पत्रकार बोलाएर घटना वृत्तान्त संप्रेषण गरेकी रोशनीले मंगलबार बिहानै महरालाई वाबु समानको अभिभावक भन्दै डिप्रेशनका कारण र अरुले बोल्न लगाएको र बाध्यताले महराविरुद्ध बोल्न पुगेको मात्र भनिनन्, बुधबार महराको बचाउ गरेरै निवेदन नै दर्ता गरिन् ।

त्यसलगत्तै उनका श्रीमान चित्रजंग शाहीले तयार पारेको सम्बन्ध बिच्छेदले प्रक्रियाको कागजमा हस्ताक्षर गरेर अलग बस्ने घोषणा समेत गरेकी रोशनीले शनिबार अपरान्ह (असोज १८ गते)  भने महराविरुद्ध बलात्कार प्रयासको किटानी जाहेरी गरिन् ।

राष्ट्रिय अत्तराष्ट्रिय शक्तिकेन्द्रको तीब्र दवाव, राष्ट्रिय मानव अधिकार आयोगको पछिल्लो कदम र स्वयम् रोशनीको जाहेरी पछिको घटनाक्रम समेतमा प्रहरी अधिकारीहरुसँग छलफल गरेपछि प्रक्रिया पुर्याएर अनुसन्धान तिब्र पार्न र दोषिमाथि कारबाही गर्न गृहमन्त्रीले बाटो खुलाएको प्रचारसँगै प्रहरी महरातर्फ मुभ हुने अनुमान गरिएको छ ।