Sansar News
१४ मङ्सिर,काठमाडौँ । पाकिस्तानस्थित नेपाली दूतावासले सोमबार पाकिस्तानको रावलपिण्डीमा एक अन्तक्र्रिया कार्यक्रमको आयोजना ग¥यो ।
रावलपिण्डी उद्योग वाणिज्य सङ्घको भवनमा भएको उक्त कार्यक्रम सङ्घको सहयोगमा नेपालको व्यापार, पर्यटन तथा लगानी प्रवद्र्धन गर्ने सम्बन्धमा भएको दूतावासले सोमबार प्रकाशित विज्ञप्तिमा जनाएको छ ।
कार्यक्रममा रावलपिण्डी उद्योग वाणिज्य सङ्घका अध्यक्ष राजा अमर इक्वालले दुई देशबीच हाल भएका व्यापार, उद्योग, पर्यटन र लगानीका अवसरलाई उपयोग गर्ने हो भने दुवै देशले फाइदा लिनसक्ने बताउनुभयो ।
पाकिस्तानका लागि नेपाली राजदूत सेवा लम्साल अधिकारीले नेपालको उद्योग, व्यापार, पर्यटन तथा लगानी नीतिको जानकारी दिनुहुँदै पाकिस्तानको व्यापारिक समुदायलाई नेपालसंग व्यापारमा सहयोग गर्ने वचनबद्धता प्रकट गर्नुभयो । उहाँले पाकिस्तानीलाई नेपालमा लगानी गर्न र नेपाल भ्रमण गर्न पनि आह्वान गर्नुभयो ।
उहाँले चाँडै पाकिस्तानमा नेपालमा बनेका वस्तुको प्रदर्शनी गरिने पनि जानकारी दिनुभयो ।
कार्यक्रममा नियोगका उपप्रमुख तीर्थराज अर्याल, संघका पदाधिकारी, पाकिस्तानका व्यापारिक समुदायलगायतको उपस्थिति थियो । रासस
वि.सं.२०७३ मंसिर १४ मंगलवार ०४:५२ मा प्रकाशित
