Sansar News
कालो चिल्लो सडक
सडकको किनारैकिनार
एउटा दूर्वल तर निर्दोष कुकुर
त्रसित भावमा
भोक शान्त पार्न
आहाराको खोजीमा
अगाडि बढिरहेछ
त्यही सडकको बीचोबीच
एउटा अजङ्गको साँढे
मस्त भइ
अरुको आहारा खोसेर खाँदै
फूँ..फूँ.. गर्दै
ठूलो दहाडले
कामचोर र दूर्वल
प्राणीलाई धम्क्याउँदै
पाहुर मारिरहेछ
अकस्मात
एउटा ट्रक हुइँकिँदै आइ पुग्छ र
सडकको किनारबाट
ज्यान बचाउन भागिरहेको
निर्दोष कुकुरलाई
आफ्नो बर्बर पाङ्ग्रामुनी किचेर
मस्त साँढेलाई “हरन“
दिँदादिँदै पनि नजिक पुग्नासाथ
स्वयम् पन्छिएर
बिस्तारै अगाडि बढ्छ …
वि.सं.२०७६ कात्तिक ९ शनिवार ०९:५१ मा प्रकाशित
