हामी सबैकाे संसारन्यूज

केसब नेपाल

कहिल्यै नदेँखेको मान्छे
कहिल्यै नचिनको मान्छे
कहिल्यै नभेटेको मान्छे
कहिल्यै नाम नसुनेको मान्छे
कहि कतै नाता नपरेको मान्छे
एक दिन
बरपिपलको चौतारीमा
सितल ताप्न बस्दा बस्दै
बरपिपल कै चौतारी मै
एउटा नौजवान मान्छे
सितल ताप्न आउदा आउदै
पहिलो हाम्रो नजर मै
दुबैका ऑखा जुधि हाले
हृदयको कुनेटोमा तस्वीर वनि अडि रहे
मुटुभित्र ज्योतिबनि बलिरहे
हाम्रो पहिलो नज़र मै
प्रेमको बास बसि हाल्यो
दुइ मुटुभित्र प्रेमको दियो बलेपछि
हृदयको ढोका प्रेमले खोलेपछि
हृदयको ज्योति प्रेमले जलेपछि
दुइ मुटुभित्र प्रेमको कोपिला लागेपछि
नझिकेर झिक्न मिल्ने
न थुतेर फाल्न मिल्ने
न धोयर फाल्न मिल्ने
न बिर्सिएर बिर्सन सक्ने
न पखालेर पखाल्न सक्ने
त्यो प्रेम वर्गिय थियो
त्यसैले त
प्रेम गाढा र गहिरो बन्दै गयो
बर्गीय प्रेम उच्च र महान हुने नै भयो
दुइ मुटुभित्र ढकमक प्रेम फुलेपछि
प्रेमको ज्योति झलमल्ल बलेपछि
प्रेम युगयुगसम्म बाचिरहन्छ।