हामी सबैकाे संसारन्यूज

२६ कात्तिक । काभ्रेका आइते मगर(परिवर्तित नाम) केही महिनायता सँधैजसो मदिराको नशामा भेटिन्थे । खल्तीमा अतिकति पैसा भयो कि कामै छाडेर भट्टी पसिहाल्थे । कहिले गलैंचा कारखाना त कहिले गाडीमा खलासी बस्थे ।

गलैचा कारखानमै चिनेका राजुले असार पहिलो साता उनलाई रत्नपार्कमा बोलाएर । ‘मलाई चिनेको एउटा मानिसलाई मिर्गौला चािहएको छ,’ राजुले मगर(अदालतमा पेस भएको मिसिलमा उनको सांकेतिक नाम बबरमहल २ भनिएको छ), लाई प्रस्ताव गरे, ‘धेरै मानिसको एउटा मात्र मिर्गौला हुने रेछ । तिम्रो जाँच गरौँ । दुइटा भए एउटा दिँदा फरक पर्दैन । तिमीले तीन लाख रुपैयाँ पाउँछौँ ।’

राजुले शंकरलाल लामाका लागि मिगौला खोजिदिएका हुन् । बाबुका लागि मिगौला खोज्न लामाका छोरा शिशिरसागर दौडधुप गरिरहेका थिए । राजुले त्यहि दिन मगरलाई शिशिरसँग भेटाइदिए । शिशिरले पनि उसैगरी फकाए, ‘मेरो बुबालाई मिर्गौला भए पनि केही फरक पर्दैन । धेरै मानिसले मिर्गौला झिकेका छन् ।’ जिल्ला अदालत ललितपुरमा पेस भएको आरोपपत्रअनुसार उनले मगरलाई ‘मिर्गौला प्रत्यारोपणपछि नगर्दै ३ लाख रुपैयाँ दिउँला’ मनी आश्वासन दिएका थिए । त्यसपछिका ३/४ वटा भेटमा शिशिरले मगरलाई हरेकपल्ट ४/५ हजार रुपैयाँ दिएर आश्वस्त पारे ।
समाचार स्रोत : कान्तिपुर दैनिक