हामी सबैकाे संसारन्यूज

१५ मंसिर, काठमाडौँ । सत्तापक्ष निकट छ विद्यार्थी सङ्गठनले संविधान संशोधन विधेयक दर्ताका विरुद्ध सडकमा नभई संसद्बाट समाधान खोज्न आग्रह गरेका छन् ।

अनेरास्ववियु (क्रान्तिकारी)को केन्द्रीय कार्यालय बागबजारमा बिहीबार र शुक्रबार बसेको संयुक्त बैठकले संशोधनको प्रस्तावमाथि सडकमा नभई संसद्मा आई छलफल, बहस र सहमति गरेर समाधान खोज्न आग्रह गरिएको क्रान्तिकारीका प्रवक्ता सुरेन्द्र बस्नेतले जानकारी गराउनुभयो ।

बैठकले संविधान कार्यान्वयनको चुनौतीपूर्ण सङ्क्रमणकालमा न्यूनतम लोकतान्त्रिक मान्यता विपरीत असहज परिस्थिति ननिम्त्याउन नेकपा (एमाले) र अन्य राजनीतिक दललाई आग्रह गर्दै सरकारलाई असन्तुष्ट पक्षका जायज मागलाई सम्बोधन गर्न पनि आग्रह गरेको छ ।

बैठकमा नेविसङ्घका अध्यक्ष नैनसिँह महर, अखिल(क्रान्तिकारी)का अध्यक्ष नरेन्द्र न्यौपाने लगायतको सहभागिता थियो ।