Sansar News
१६ मसिंर, काठमाडौँ । सन्राइज बैंकले नवलपुरको परासीमा शाखा विस्तार गरेको छ ।
बैंकले आफ्ना ग्राहकहरुलाई सेवा सुविधा उपलब्ध गराउने उद्देश्यले देशका विभिन्न भागमा शाखा सञ्चालन गर्ने क्रममा नवलपुरको परासीमा १२५ औं शाखा सञ्चालनमा ल्याइएको हो ।
आइतबार आयोजित कार्यक्रममा नगरपालिकाका मेयर नरेन्द्र कुमार गुप्ता र सन्राइज बैंकका प्रमुख कार्यकारी अधिकृत जनकराज शर्मा पौड्यालले शाखा कार्यालयको उद्घाटन गरे ।
यस्तैगरी सुरुङ्गा शाखा कार्यालय स्थानान्तरण कार्यक्रम पनि सम्पन्न भएको छ । कार्यक्रममा कनकाई नगरपालीकाको मेयर राजेन्द्र कुमार पोखरेल र बैंकको संचालक समितिका सदस्य शारदा शर्मा पुडासैनीले संयुक्त रुपमा शाखा कार्यालयको उद्घाटन गरेको बताइएको छ ।
परासीसँगै बैंकको १२५ वटा शाखा, ३९ वटा शाखारहित बैंकिङ्ग सेवा, ८ वटा एक्सटेन्सन काउण्टर र १४५ वटा ए.टि.एम मार्फत सेवा प्रद्धान गर्दै आइरहेको विज्ञप्तीमा जनाइएको छ ।
साथै बैंकले आफ्नो सेवाहरू सुविधा विस्तार गर्ने क्रममा , नेपालका अन्य स्थानहरुमा पनि थप शाखाहरु सञ्चालन गर्ने योजना रहेको पनि बैंकले बताएको छ ।
वि.सं.२०७६ मंसिर १६ सोमवार ११:४१ मा प्रकाशित
