Sansar News
१७ मंसिर, अष्ट्रिया । अन्तराष्ट्रिय नेपाली कलाकार समाज राष्ट्रिय समिति (इनास)को ७३ औं शाखा अष्ट्रिया गठन गरिएको छ ।
अष्ट्रियामा रहेका नेपाली कलाकार, साहित्यकारहरुको एक भेलाले कलाकार सन्तोष भण्डारीको अध्यक्षतामा इनास अष्ट्रिया गठन गरेको हो ।
जसको वरिष्ठ उपाध्यक्षमा राजन कुमार श्रेष्ठ, उपाध्यक्षद्धयमा प्रदिप ढुङ्गाना, सम्झना बोहोरा, महासचिवमा सुभद्रा थापा भण्डारी, सचिवमा शीला अधिकारी, कोषाध्यक्षमा नबिन कार्की, सहकोषाध्यक्षमा गीता राई तथा सदस्यहरुमा महेन लिम्बु, सुरज थापा, शेखर लामा, स्वेता बज्राचार्य र पुनम पौडेल रहेका छन् ।
इनासका केन्द्रीय महासचिव मनिषकुमार श्रेष्ठले नयाँ कार्यसमितिका पदाधिकारीहरुलाई बधाई दिँदै नेपाली भाषा, कला, साहित्य तथा संस्कृतिको उत्थान एवं नेपाली कलाकारहरुको हित लगायत संस्थाको केन्द्रीय विधानद्धारा निर्दिष्ठित उद्धेश्य प्राप्तिमा समितिले अहम् भूमिका निर्वाह गर्ने विश्वास राखिएको बताएका छन् ।
वि.सं.२०७६ मंसिर १७ मंगलवार १७:२० मा प्रकाशित
