हामी सबैकाे संसारन्यूज

१.
जिन्दगी चलाउनलाइ गीताको सार भए पुग्छ
मुटु रेट्नलाइ त केवल फूलको धार भए पुग्छ
नजाऊ सागरको लहर संगै भबिस्य खोज्न् प्रिय्
बाँच्नलाइ त सागरले छाडेको किनार भए पुग्छ ।

२.
रमाइलो खुब लाग्छ पिरतिको फूल गोड्नलाई
छिचरो बचन नै काफी कमलो दिल तोड्नलाई
दुईबीचको संवादमा वचनले नै मन टुट्नसक्छ,
टुटेपछि मनको बिश्वास गाह्रो हुन्छ जोड्नलाई ।

३.
बकुल्ला झै कुरिबस्छ मौका पाए किची हाल्छन्
निर्धोलाइ भेट्यो कि त बलियाले थिची हाल्छन्
गाईमारेर गधा पोस्छन् अनि पर्छन् उसकै शरण,
ठाउँ पाए छिमेकीले साँधसीमा त मिची हाल्छन् ।

४.
यो ढुकढुकी यो मायाको खानी तिमीलाई
संसार देख्ने यो आँखाको नानी तिमीलाई
अन्यथा नसम्झिदै मेरो मनसय बुझे हुन्थ्यो,
सुम्पिएदिए यो घायलको जवानी तिमीलाई ।

५.
अध्यारो मनभित्र संस्कारको जून पाल्न पाए
अलिनो बिचारमा मानवताको नुन हाल्न पाए
सुन्दर हुन्थ्यो यो संसार हत्याहिंसा हुदैनथ्यो कि ?
मानव भित्र जकडिएको अबगुन फाल्न पाए ।