Sansar News
क्रान्ति भयो रे लोकतन्त्र आ’छ ।
संघियता साथै समावेशी भा’छ ।।
आयो गणतन्त्र र पनि अरुको ।
आएन किसान मजदुरहरुको ।।
उकाली ओराली चढेको चढ्यै छ ।
गलेको छ जीउ लडेको लड्यै छ ।।
जितेको भनिन्छ तर हारेकै छ ।
के पायो र खोई भाइ मारेकै छ ।।
न भोक टर्याछ न प्यास मेट्या छ ।।
न शान्ति सुरक्षा न बास भेट्या छ ।
न शिक्षा भो सवको त्यो पनि धनीको ।।
न स्वास्थ्यको कुनै ग्यारेन्टी हुनी भो ।
न उद्योग धन्दा न त रोजगारी ।।
हटेन पीडा त्यो दीन कष्टकारी ।
न ऐले छ वारी न पारी तर्या छ ।।
यात्रा भो अधुरो बिचमा पर्या छ ।
वि.सं.२०७६ मंसिर २१ शनिवार १०:२० मा प्रकाशित
