Sansar News
२७ माघ, काठमाडौँ । स्थानीय तहका लागि लोकसेवा आयोगद्वारा नियुक्त गरिएका १ सय २० जना अधिकृत अझै अलपत्र परेका छन् ।
लोकसेवा आयोगले नियुक्ति गर्नुअगावै संघीय मामिला तथा सामान्य प्रशासन मन्त्रालयले कर्मचारी समायोजन गरेर पठाइदिएपछि ती अधिकृत अलपत्र परेका हुन् ।
लोकसेवाले देशभरका स्थानीय तहका लागि भन्दै झन्डै ९ हजार कर्मचारी छनोट गरी विभिन्न स्थानीय तहमा पठाएको थियो । त्यसरी पठाइएकामध्ये स्थानीय तहमा पद नभएपछि १ सय २० जना अधिकृत केन्द्रमा नै फर्कन बाध्य छन् । सोमबारको राजधानी दैनिकबाट
वि.सं.२०७६ माघ २७ सोमवार ०७:५४ मा प्रकाशित
