हामी सबैकाे संसारन्यूज

१ फागुन, अष्ट्रिया। नेपाल कम्युनिष्ट पार्टी (नेकपा) ले अष्ट्रियास्थित प्रवासी नेपाली एकता मञ्चको टुंगो लगाएको छ ।
नेकपा प्रवास समन्वय कमिटीको हालै सम्पन्न बैठकले अष्ट्रियामा क्रियाशील दुई संगठन प्रवासी नेपाली मन्च र नेपाली जनप्रगतिशील मन्चको एकता गरी प्रबासी नेपाली एकता मञ्च अष्ट्रिया गठन गर्ने निर्णय गरेको हो ।

जसको अध्यक्षमा धर्मराज खतिवडा र सचिवमा रविचन्द्र भट्टराई रहेका छन् भने सदस्यहरुमा झविन्द्र अर्याल, सूर्य लामिछाने, गणेश आचार्य, विष्णु नेपाल, रोशन तामांग, लिली बज्राचार्य तामांग, दिनेश बर्दैवा, लोकराज श्रेष्ठ, बिपिन खनाल, सावित्री कार्की, आकाश घिमिरे, किरण श्रेष्ठ, विनय पोखरेल, कृष्ण भट्ट, याम नारायण मानन्धर, किरण गुरुंग, मनोज पौडेल, दुर्गा गौतम र इन्द्रसेन राई रहेका छन् ।

नेपाल कम्युनिष्ट पार्टी (नेकपा) प्रबास समन्वय कमिटीको बैठक कमिटीका अध्यक्ष युवराज चौंलागाईंको अध्यक्षता र पार्टी महासचिव विष्णु पौडेलको बिशेष उपस्थितिमा सम्पन्न बैठकले सो निर्णय गरेको जनाइएको छ ।

यसअघि प्रवास समन्वय कमिटीका सह-ईन्चार्ज लक्ष्मण पन्तलाइ (दक्षिण पूर्वी तथा पूर्वी एशिया), अध्यक्ष युवराज चौलागाइलाई ( ओसिनिया) सचिव श्रीप्रसाद साह (पश्चिम एशिया) र सदस्य तिलबहादुर वि.क लाइ (दक्षिण एशिया) को जिम्मेवारी तोकेको थियो । युरोप र अमेरीका भने समन्वय कमिटीका इन्चार्जलाइ जिम्मा दिइने बताइएको छ ।

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?