८ फागुन, काठमाडौं । सेयर कारोबार नेप्सेमा आज उच्च कारोबार भएको छ । परिसूचक २९.३२ अंकले बृद्धि भई १४३४.५७ बिन्दुमा पुग्दा करोबार रकम भने २ अर्ब ७८ करोड ५० लाख चार हजार ९ सय ८ पुगेको छ । यो कारोबार हालसम्मकै उच्च हो ।

यस अघि २०७३ साउन ११ गते २ अर्ब ७५ करोड रकम बराबरको कारोबार भएको थियो । सूचिकृत १८० कम्पनीको करोबार भएकामा ५८ लाख २९ हजार ५ सय १० कित्ता सेयरको किनबेच भएको नेप्सेले जनाएको छ । ठूला कम्पनीको करोबार देखाउने सेन्सेटिभ पनि ४.५ अंकले बढेर ३००.४४ पुगेको छ ।

“जीवन वीमा कम्पनी समूहका लगानीकर्ताले ३८५.३९ अंकले कमाउँदा निर्जीवन वीमा कम्पनीका लगानीकर्ताले ३७४.०१ अंकले कमाएका छन ।”

कूल १२ उपसमुह मध्ये ब्यापार –९.८५ र सामूहिक लगानि कोष –०.०४ बाहेक सबै १० वटा उपसमूहको परिसूचक बढेको छ । जस अनुसार बैंकिङ ७.९, होटल ४९.२७, बिकास बैक १०.०४, जलविद्युत १३.९२, बित्त ६.४२, निर्जिवन बिमा ३७४.०१, उत्पादन मूलक ९७.२६, अन्य ९.०३, लघुबित्त १५९.३२ जीवन विमा ३८५.३९ को परिसूचक हिजोको तुलनामा सुधार भएको छ ।

आज सबैन्दा धेरै कमाउनेमा जीवन र निर्जीवन वीमा कम्पनी समूहका लगानीकर्ता रहेका छन । जीवन वीमा कम्पनी समूहका लगानीकर्ताले ३८५.३९ अंकले कमाउँदा निर्जीवन वीमा कम्पनीका लगानीकर्ताले३७४.०१ अंकले कमाएका छन । त्यस्तै सबैभन्दा धेरै गुमाउनेमा व्यापार समुहका लगानीकर्ता रहेकाछन । सो समूहका लगानीकर्ताले ९.८५ अकले गुमाएका छन ।

आज सबैभन्दा धेरै कारोबार गर्नेमा शिवम् सिमेन्ट रहेको छ । उसले १७ करोड २ लाख १३ हजार ९५ रुपैयाँ बराबरको २ लाख ५६ हजार ९ सय २ कित्ता सेयर किनबेच गरेको छ । उसको मात्र ८ सय ४४ पटक सेयर लेनदेन भएको छ ।

आज सबैभन्दा धेरै कमाउनेमा बोटलर्स नेपाल ७७२, स्वभिमान लघुवित्त ११७, एनएमबि लघुवित्त ९६ लगायतका लगानीकर्ताले कमाउँदा साल्ट ट्रेडिङ २७४७, सपोर्ट लघुबित्त १०९०, रिडी बिद्युत कम्पनी १७४ लगायतका लगानीकर्ताले गुमाएका छन ।