हामी सबैकाे संसारन्यूज

९ फागुन । अमेरिकी सहयोग परियोजना मिलेनियम च्यालेञ्ज कर्पाेरेशन संगको एमसीसी सम्झौता पारीत नहुने देखिएको छ ।
एमसीसीका विषयमा अध्ययन गर्न बनेको नेकपा कार्यदलले प्रतिवेदन बुझाएपछि पारीत नहुने सम्भावना बढेको हो ।

पुर्व प्रधानमन्त्री तथा वरीष्ठ नेता झलनाथ खनालको संयोजकत्वमा भीम रावल र प्रदिप ज्ञवाली सहितको कार्यदलको बैठकले सुझावसहित तयार पारेको प्रतिवेदन शुक्रवार साँझ प्रधानमन्त्री तथा पार्टी अध्यक्ष केपी शर्मा ओली तथा प्रचण्डलाई बुझाइएको थियो । कार्यदलका सदस्य भीम रावलले बताए अनुसार सरकार र एमसीसीबीच भएको सम्झौता र इण्डो प्यासिफिकका सम्बन्धमा आवश्यक तथ्यहरुको विस्तृत अध्ययन भएको थियो ।

एमसीसीका विषयमा सत्तारुढ नेपाल कम्युनिष्ट पार्टीभित्र विवाद बढ्दै गएपछि केन्द्रीय समितिको बैठकले अध्ययन गर्न कार्यदल गठन गरेको थियो । केन्द्रीय समितिले दिएको १० दिनको समयभित्र प्रतिवेदन तयार हुन नसकेपछि पुन १० दिनको समय थपिएको थियो ।

नेकपाको उच्च स्रोतका अनुसार सो प्रतिवेदनमा केहि बुँदाहरु शंसोधन गर्नै पर्ने बताइएको छ भने एमसीसीलाई इण्डोप्यासीफिक रणनीति (आइपीएस)को अंग हो भन्ने निष्कर्ष निकालिएको छ । नेकपाको सचिवालयले आइपीयस अन्तरगत भए स्विकार्नै नहुने निर्णय यसअघि नै गरीसकेको छ ।